भारत आणि दक्षिण आफ्रिका यांच्यातल्या एकदिवसीय क्रिकेट मालिकेत आज झारखंडमध्ये रांची इथं सुरु असलेल्या पहिल्या सामन्यात भारतानं दक्षिण आफ्रिकेपुढं विजयासाठी ३५० धावांचं आव्हान ठेवलं आहे. दक्षिण आफ्रिकेनं नाणेफेक जिंकून भारताला प्रथम फलंदाजीसाठी पाचारण केलं. भारतानं निर्धारित ५० षटकात ८ गडी गमावून ३४९ धावा केल्या. सलामीवीर यशस्वी जयस्वाल १८ धावांवर बाद झाला. मात्र त्यानंतर रोहीत शर्मा आणि विराट कोहली यांनी धडाकेबाज १३६ धावांची भागिदारी करत डाव सावरला. रोहीत शर्मा ५७ धावा करून बाद झाला. त्यानं एकदिवसीय क्रिकेटमधे सर्वाधिक षटकार मारण्याचा शाहिद आफ्रिदीचा विक्रम मोडला. आफ्रिदीनं त्याच्या एकदिवसीय कारकिर्दीत एकूण ३५१ षटकार ठोकले होते. आता रोहितनं ३५२ षटकारांचा नवा विक्रम प्रस्थापित केला आहे.
विराट कोहलीनं आज शतक ठोकलं. त्यानं १२० चेंडूत १३५ धावा केल्या, त्यात ११ चौकार आणि ७ षटकारांचा समावेश होता. के एल राहुलनं ६०, तर रविंद्र जडेजानं ३२ धावांचं योगदान दिलं.
शेवटचं वृत्त हाती आलं तेव्हा दक्षिण आफ्रिकेच्या — षटकात — बाद — धावा झाल्या होत्या.