भारतीय क्रिकेट नियामक मंडळानं भारतीय क्रिकेट संघाचे सहाय्यक प्रशिक्षक अभिषेक नायर आणि इतर दोन प्रशिक्षक कर्मचाऱ्यांना पदमुक्त केलं आहे. बॉर्डर- गावस्कर चषक मालिकेत भारतीय संघाची कामगिरी समाधान कारक झाली नसल्याच्या पार्श्वभूमीवर हा निर्णय घेण्यात आला आहे. प्रशिक्षक म्हणून तीन वर्षांची सेवा झालेल्यांना पदमुक्त करण्यात येईल, असे संकेत मंडळानं काही दिवसांपूर्वीच दिले होते.