अडतिसाव्या राष्ट्रीय क्रीडा स्पर्धा उत्तराखंडमध्ये पुढच्या वर्षी 28 जानेवारी ते 14 फेब्रुवारी या काळात आयोजित करण्यात आल्या आहेत. भारतीय ऑलिंपिक संघटनेची बैठक येत्या पंचवीस तारखेला होणार आहे. त्यात या स्पर्धेचं संपूर्ण वेळापत्रक जाहीर केलं जाणार आहे. उत्तराखंडचे मुख्यमंत्री पुष्करसिंह धामी यांनी नुकतीच भारतीय ऑलिंपिक संघटनेच्या अध्यक्षा पी. टी. उषा यांची भेट घेतली होती आणि उत्तराखंड राष्ट्रीय क्रीडा स्पर्धांच्या आयोजनासाठी पूर्णपणे तयार असल्याचं म्हटलं होतं.