ठाणे पोलीसांनी केलेल्या कारवाईत एक सेक्स रॅकेट उध्वस्त केले. या प्रकरणी थायलंडची नागरिक असलेल्या एका महिलेला अटक केली आहे, तर थायलंडच्याच नागरिक असलेल्या दोन महिलांची सुटका केली गेली अशी माहिती कासारवडवली पोलीस ठाण्यातील अधिकाऱ्यांनी दिली.
अटक केलेली महिला वेश्याव्यवसायासाठी परदेशी नागरिकांचा पुरवठा करत असल्याची माहिती मिळाली होती, त्याआधारे ही कारवाई केली. अटक केलेल्या महिलेचा आणि सुटका केलेल्या पीडितांच्या व्हिसाची मुदत संपलेली होती, असं पोलिसांनी सांगितलं.
अटक केलेल्या महिलेविरोधात भारतीय न्याय संहिता आणि अनैतिक मानवी तस्करी प्रतिबंधक कायद्याअंतर्गत गुन्हा दाखल केला आहे, आणि दोन्ही पीडितांना शासनाच्या मान्यताप्राप्त महिला निवारागृहात हलवलं असल्याचंही पोलीसांनी सांगितलं.
