श्रीलंका इथं सुरू असलेल्या महिलांच्या आशिया चषक टी ट्वेंटी क्रिकेट स्पर्धेत आज थायलंडने मलेशियावर २२ धावांनी विजय मिळवला. रंगिरी दांबुला आंतरराष्ट्रीय मैदानात झालेल्या या सामन्यात थायलंडने मलेशियासमोर १३४ धावांचं उद्दिष्ट ठेवलं होतं, मात्र मलेशियाला ८ गडी गमावून १११ धावांपर्यंतच मजल मारता आली.
याच मैदानावर श्रीलंका आणि बांगला देश यांच्यातला सामना सुरू झाला आहे. बांगला देशनं नाणेफेक जिंकून प्रथम फलंदाजी करायचा निर्णय घेतला आहे.
शेवटची बातमी हाती आली तेव्हा बांगलादेशच्या १५ व्या षटकात ६ बाद ६५ धावा झाल्या होत्या.