2025-26 या आर्थिक वर्षात आतापर्यंत 11 लाख 89 हजार कोटी रुपयांपेक्षा जास्त प्रत्यक्ष कर संकलन झालं आहे. गेल्या आर्थिक वर्षाच्या तुलनेत कर संकलनात 6 पूर्णांक 33 शतांश टक्के वाढ झाल्याची माहिती प्राप्तीकर विभागानं दिली आहे.

1 एप्रिल ते 12 ऑक्टोबर या काळात कंपनी कर संकलन सुमारे 5 लाख 2 हजार कोटी तर खाजगी कर संकलन सुमारे 6 लाख 56 हजार कोटी झालं. समभाग हस्तांतरण कर संकलन 30 हजार 878 कोटी रुपये इतकं झालं आहे.