डाउनलोड करा
मोबाइल ॲप
July 6, 2025 7:35 PM July 6, 2025 7:35 PM
7
येत्या दोन दिवसांत कोकण आणि विदर्भात बहुतांश ठिकाणी, तर मध्य-महाराष्ट्र आणि मराठवाड्यात बऱ्याच ठिकाणी पावसाची शक्यता हवामान विभागानं व्यक्त केली आहे. तुरळक ठिकाणी गडगडाटासह पावसाचा अंदाजही व्यक्त केला आहे. त्याचबरोबर कोकण किनारपट्टीवर सोसाट्याचे वारे वाहायची शक्यताही व्यक्त केली आहे.
June 27, 2025 4:20 PM June 27, 2025 4:20 PM
5
येत्या चोवीस तासांसाठी हवामान विभागानं रायगड, रत्नागिरी, पुणे आणि सातारा या जिल्ह्यांना ऑरेंज अलर्ट जारी केला आहे. कोकण किनारपट्टीला उंच लाटांचा इशारा मिळाला असून लहान होड्यांनी समुद्रात जाऊ नये अशा सूचना आहेत. वर्धा जिल्ह्यात दिगडोह इथं पूर आला आहे. बुलडाणा जिल्ह्यात मेहकर तालुक्यात मुसळधार पावसामुळे समृद्धी महामार्गावर पुलाखाली पाणी साचल्यामुळे काही वेळ वाहतुकीचा खोळंबा झाला.
April 11, 2025 2:57 PM April 11, 2025 2:57 PM
10
देशात बहुतांश राज्यात उष्णतेची लाट आलेली असताना काही राज्यांमध्ये मात्र वादळी वाऱ्यांसह पावसाची शक्यता हवामान विभागाने वर्तवली आहे. मध्य प्रदेशात अनेक जिल्ह्यांमध्ये कमाल तापमानात वाढ झाली होती. मात्र, आजपासून पुढचे तीन दिवस वादळी वाऱ्यांसह पाऊस आणि गारपीट होईल असा अंदाज हवामान विभागाने वर्तवला आहे. त्यामुळे तापमानात घट होण्याची शक्यता आहे. राजस्थानाच्या बहुतांश भागात पुढचे दोन दिवस वातावरण ढगाळ राहणार असून वावटळी उठण्याची शक्यता आहे. काही ठिकाणी हलका ते मध्यम पाऊस पडेल. पश्चिम बंगालमध्ये...
February 6, 2025 7:34 PM February 6, 2025 7:34 PM
13
गेल्या चोवीस तासात, विदर्भात काही ठिकाणी, तर मध्य महाराष्ट्रात तुरळक ठिकाणी किमान तापमानात लक्षणीय वाढ झाली. तसंच मराठवाड्यात काही ठिकाणी किंचित वाढ झाली. राज्यात सर्वात कमी किमान तापमान पुण्यात १४ पूर्णांक ७ दशांश अंश सेल्सिअस इतकं नोंदवलं गेलं.येत्या दोन दिवसांत राज्यात सर्वत्र हवामान कोरड राहण्याची शक्यता पुणे वेधशाळेनं व्यक्त केली आहे.
February 5, 2025 7:33 PM February 5, 2025 7:33 PM
15
गेल्या चोवीस तासात मध्य महाराष्ट्र आणि विदर्भात काही ठिकाणी किमान तापमानात लक्षणीय वाढ झाली, मराठवाड्यात बहुतांश ठिकाणी तर कोकणात काही ठिकाणी किंचित वाढ झाली. राज्यात सर्वात कमी किमान तापमान नाशिक इथं १३ पूर्णांक ९ दशांश अंश सेल्सिअस इतकं नोंदवलं गेलं. येत्या दोन दिवसात राज्यात सर्वत्र हवामान कोरडं राहण्याची शक्यता पुणे वेधशाळेनं व्यक्त केली आहे.
January 4, 2025 1:35 PM January 4, 2025 1:35 PM
17
उत्तर भारतात अनेक ठिकाणी कडाक्याची थंडी आणि दाट धुक्यामुळे जनजीवन विस्कळीत झालं आहे. दिल्ली, उत्तर प्रदेश आणि हरियाणात रस्ते वाहतूक संथ गतीनं सुरू असून प्रवाशांना दाट धुक्यातून मार्ग काढावा लागत आहे. कमी दृश्यमानतेमुळे रेल्वेसेवेवर देखील परिणाम झाला असून दिल्लीकडे जाणाऱ्या ४९ गाड्या चार तास विलंबानं धावत आहेत. दाट धुक्यामुळे दिल्ली विमानतळावरील विमानसेवाही काही अंशी विस्कळीत झाली आहे. येत्या दोन दिवसांत वायव्य आणि मध्य भारतात काही भागांत दाट धुकं आणि थंडीचा कडाका कायम राहील असा अंदाज भारतीय हवाम...
January 2, 2025 1:38 PM January 2, 2025 1:38 PM
6
देशाच्या अनेक भागात थंडीचा कडाका कायम आहे. हिमाचल प्रदेश,छत्तीसगड, बिहार या राज्यांत अनेक ठिकाणी पारा खाली गेला आहे. पुढील काही दिवस थंडीची लाट कायम राहणार असून सिमला,मनालीच्या पर्वतीय भागांत बर्फवृष्टीची शक्यता हवामान विभागानं वर्तवली आहे. या ठिकाणच्या मैदानी भागात वादळी वारे आणि मुसळधार पावसाचा अंदाज असून इथं यलो अलर्ट दिला आहे. यामुळे या ठिकाणचं तापमान आणखी खाली जाण्याची शक्यता हवामान विभागानं वर्तवली आहे. हिमाचल प्रदेशातही कडाक्याची थंडी असून लाहौल स्पिती जिल्ह्यात ताबो इथं उणे १४ अंश...
November 27, 2024 8:24 PM November 27, 2024 8:24 PM
18
फेंगल चक्रीवादळाच्या पार्श्वभूमीवर तामिळनाडूच्या किनारी भागाला मुसळधार पावसाचा इशारा भारतीय हवामान विभागानं दिला आहे. तसंच आंध्र प्रदेशाच्या किनारपट्टीवरही मुसळधार पावसाची शक्यता आहे. मच्छिमारांनी पुढचे तीन दिवस बंगालच्या उपसागरात, तामिळनाडूच्या किनाऱ्यावर आणि दक्षिण आंध्र प्रदेशच्या किनाऱ्यावर न जाण्याचा सल्ला हवामान विभागानं दिला आहे.
October 13, 2024 1:27 PM October 13, 2024 1:27 PM
12
पुढील पाच दिवसांत कर्नाटकच्या दक्षिण भागात, केरळ, माहे, आणि तमिळनाडू येथे मुसळधार पावसाची शक्यता हवामान विभागानं व्यक्त केली आहे. तर अंदमान आणि निकोबार बेटे, अरुणाचल प्रदेश, आसाम, मेघालय, नागालँड, मणिपूर आणि त्रिपुरा इथं पुढील दोन दिवस मध्यम स्वरूपाचा पाऊस पडण्याची शक्यता आहे. तर गुजरात, मध्यप्रदेश, झारखंड, बिहार, पश्चिम बंगाल, सिक्कीम आणि महाराष्ट्रातल्या काही भागांत मोसमी पावसाच्या परतीसाठी अनुकूल वातावरण राहील, असंही हवामान खात्यानं म्हटलं आहे.
September 8, 2024 1:52 PM September 8, 2024 1:52 PM
12
तेलंगणाच्या खम्मम आणि महबुबाबाद या पूरबाधित जिल्ह्यांमध्ये कालपासून मुसळधार पाऊस पडत आहे. आज सकाळी ६ वाजेपर्यंत महबुबाबाद इथे १८२ मिलीमीटर तर खम्मममधल्या तल्लाडा इथे १२२ मिलीमीटर पावसाची नोंद झाली. या भागात पुन्हा पूरस्थिती निर्माण होण्याची शक्यता असल्यानं नागरिकांसाठी सावधानतेचा इशारा जारी करण्यात आला आहे. दरम्यान, हवामान विभागानं या दोन जिल्ह्यांसह इतर दोन जिल्ह्यांना येत्या दोन दिवसांसाठी ऑरेंज अलर्ट तर आणखी दहा जिल्ह्यांना मध्यम पावसाचा यलो अलर्ट दिला आहे. आगामी पाच दिवसांमध्ये राज्यात तुरळक...
गोपनीयता धोरण | कॉपीराइट © 2025 बातम्या ऑन एअर. सर्व हक्क राखीव
शेवटचे अद्यावत: 29th Dec 2025
