June 1, 2025 1:56 PM
10
सिक्किममधे भूस्खलनामुळे अनेक ठिकाणी वाहतूक विस्कळीत
सिक्किममधे भूस्खलनामुळे मंगन जिल्हयात अनेक ठिकाणी वाहतूक विस्कळीत झाली आहे. यामुळे लाचेन आणि लचुंग इथं जवळपास दीड हजार पर्यटक अडकून पडल्याचं आमच्या वार्ताहरानं कळवलं आहे. रस्त्यावरचा मलबा काढून रस्ते मोकळे करण्याचं काम सुरू आहे. काम पूर्ण होईपर्यंत पर्यटकांनी बाहेर पडू नये, असा सल्ला प्रशासनानं दिला आहे. अतिवृष्टीमुळे मंगन जिल्ह्यात तिस्ता नदी दुधडी भरून वाहत आहे. दरम्यान, चुंगथांग इथं बेपत्ता झालेल्या ९ पर्यटकांचा शोध सुरू आहे.
