मुंबई खुल्या टेनिस स्पर्धेत भारताची अग्रमानांकित सहजा यमलापल्ली हिचा सामना आज थायलंडच्या लानलाना तारारुडी हिच्याशी होणार

मुंबई खुल्या टेनिस स्पर्धेत महिला एकेरीत भारताची अग्रमानांकित सहजा यमलापल्ली हिचा सामना आज थायलंडच्या लानलाना तारारुडी हिच्याशी होणार आहे. संध्याकाळी साडेचार वाजता हा सामना सुरू होईल. तर उद्या अंकिता रैना हिच्यासमोर देशभगिनी वैष्णवी अडकर हिचं आव्हान असेल. मिश्र दुहेरीत भारताची प्रार्थना ठोंबरे आणि नेदरलँड्सचा अरियान हारतोनो ही जोडी थायलंड आणि जपानच्या जोडीशी लढत देईल.