Piyush Goyal | डीडी न्यूज ऑन एअर

October 13, 2025 3:38 PM October 13, 2025 3:38 PM

पीएम गतिशक्ती योजनेमुळे नियोजन आणि सूक्ष्म स्तरावर अंमलबजावणी शक्य झाली- पियुष गोयल

पीएम गतिशक्ती योजनेमुळे मोठ्या प्रमाणावर नियोजन आणि सूक्ष्म स्तरावर अंमलबजावणी शक्य झाल्याचं केंद्रीय वाणिज्य आणि उद्योग मंत्री पियुष गोयल यांनी म्हटलं आहे. या योजनेला ४ वर्षं पूर्ण झाल्यानिमित्त आयोजित कार्यक्रमात ते बोलत होते. या योजनेमधून प्रधानमंत्री नरेंद्र मोदी यांची दूरदृष्टी दिसून येते असं ते म्हणाले. गेल्या ४ वर्षात पीएम गतीशक्ती विविध क्षेत्रात पोहोचली असल्याचं गोयल म्हणाले. यावेळी पीएम गतिशक्ती च्या ४ नवीन उपक्रमांचं उद्घाटन गोयल यांनी केलं.

September 26, 2025 2:43 PM September 26, 2025 2:43 PM

भारत आणि युरोपियन युनियनमधील मुक्त व्यापार करार लवकर पूर्ण करण्यासाठी इटलीचा पाठिंबा

भारत आणि युरोपियन युनियनमधला मुक्त व्यापार करार लवकरात लवकर पूर्ण करण्यासाठी इटलीचं संपूर्ण समर्थन आहे, असं प्रतिपादन इटलीचे उप प्रधानमंत्री अंटोनियो ताजनी यांनी केलं आहे. परराष्ट्रमंत्री एस. जयशंकर आणि वाणिज्य मंत्री पियुष गोयल यांच्या सोबत ताजनी यांची बैठक झाली त्यानंतर त्यांनी हे स्पष्ट मत व्यक्त केलं. उभय देशात धोरणात्मक भागीदारी असल्याचंही त्यांनी यावेळी सांगितलं. परस्पर देशांच्या मंत्र्यांनी भूमध्यसागरीय, मध्य पूर्व, युक्रेन आणि इंडो-पॅसिफिक क्षेत्रातल्या घडामोडींवर या बैठकीत चर्चा केली, अ...

September 17, 2025 8:57 PM September 17, 2025 8:57 PM

उत्तर मुंबई लोकसभा मतदारसंघात विविध उपक्रमांचं आयोजन

प्रधानमंत्री नरेंद्र मोदी यांच्या वाढदिवसानिमित्त आयोजित सेवा पंधरवड्यामध्ये केंद्रीय मंत्री पीयूष गोयल यांनी उत्तर मुंबई लोकसभा मतदारसंघात विविध उपक्रमांचं आयोजन केलं आहे. त्यांची सुरुवातही आजपासून झाली. आरोग्य, शिक्षण, पायाभूत सुविधांचा विकास यासारख्या विषयांवरचे ते उपक्रम आहेत. देशव्यापी स्वच्छता ही सेवा अभियानालाही आजपासून सुरुवात झाली आहे.

August 23, 2025 2:16 PM August 23, 2025 2:16 PM

कोणत्याही देशाबरोबर वाटाघाटी करताना राष्ट्रीय हिताला पहिलं प्राधान्य दिलं जाईल- पियुष गोयल

कोणत्याही देशाबरोबर मुक्त व्यापार कराराबाबतच्या वाटाघाटी करताना, राष्ट्रीय हित आणि भारतीय उद्योगांना पहिलं प्राधान्य दिलं जाईल, असं केंद्रीय वाणिज्य आणि उद्योग मंत्री पियुष गोयल यांनी स्पष्ट केलं आहे. ते काल मुंबईत एका खासगी कार्यक्रमात बोलत होते. भारत युरोपीय संघाच्या नियमितपणे संपर्कात असून, आणखी तीन ते चार व्यापार करारांवर चर्चा सुरु असल्याची माहिती त्यांनी दिली. जागतिक परिस्थितीकडे भारताचं बारकाईनं लक्ष असून, पारदर्शक संबंध ठेवता येतील, अशा भागीदारांबरोबर सक्रीय पद्धतीनं काम करत असल्य...

February 22, 2025 12:48 PM February 22, 2025 12:48 PM

जपान हा परदेशी गुंतवणुकीचा पाचवा सर्वात मोठा स्रोत- पीयूष गोयल

जपान देश भारताच्या आर्थिक वाढीसाठी सहकार्य करणारा प्रमुख देश असून परदेशी गुंतवणुकीचा तो पाचवा सर्वात मोठा स्रोत आहे, असं केंद्रीय वाणिज्य आणि उद्योगमंत्री पीयूष गोयल यांनी म्हटलं आहे. नवी दिल्ली इथं भारत-जपान अर्थव्यवस्था आणि गुंतवणूक मंचाला संबोधित करताना ते काल बोलत होते. २००० ते २०२४ दरम्यान जपानमधून सुमारे ४३ अब्ज डॉलर पेक्षा अधिक ‘थेट परकीय गुंतवणूक’ झाली असल्याचं त्यांनी यावेळी नमूद केलं. दोन्ही देशांमधली बंधुता, लोकशाही, संस्कृती आणि आर्थिक सहकार्यामध्ये असलेली जागतिक स्तरावरची धोर...

January 23, 2025 11:20 AM January 23, 2025 11:20 AM

2030 पर्यंत भारताचं जीआय टॅग्ज मिळवण्याचं लक्ष्य- पियुष गोयल

2030 पर्यंत देशात 10 हजार भौगोलिक मानांकन म्हणजेच जीआय टॅग्ज मिळवण्याचं लक्ष्य ठेवलं असल्याचं केंद्रीय वाणिज्य आणि उद्योग मंत्री पियुष गोयल यांनी काल नवी दिल्लीत सांगितलं. GI संमेलनाला संबोधित करताना, हे लक्ष्य संपूर्ण सरकारी दृष्टिकोनातून साध्य केले जाईल आणि सरकार यावर देखरेख करण्यासाठी एक समिती स्थापन करणार असल्याचंही गोयल यांनी सांगितलं. उद्योग विभागानं आतापर्यंत 605 भौगोलिक मानांकनं जारी केले आहेत.

January 18, 2025 10:41 AM January 18, 2025 10:41 AM

पियुष गोयल आजपासून तीन दिवसांच्या ब्रुसेल्स दौऱ्यावर

वाणिज्य आणि उद्योगमंत्री पियुष गोयल आजपासून तीन दिवसांच्या ब्रुसेल्स दौऱ्यावर आहेत. या भेटीदरम्यान ते व्यापार आणि आर्थिक सुरक्षा आयोगाच्या आयुक्त मारोज सेफकोविक यांच्याबरोबर उच्च स्तरीय बैठक घेतील. दोन्ही नेत्यांमध्ये भारत-युरोपियन महासंघांदरम्यान मुक्त व्यापार करारासंदर्भात वाटाघाटी आणि इतर द्विपक्षीय व्यापार बाबींच्या अनुशंगानं चर्चा होण्याची अपेक्षा आहे. अशी माहिती वाणिज्य मंत्रालयानं दिली आहे.

October 15, 2024 8:24 PM October 15, 2024 8:24 PM

२७ आकांक्षित जिल्ह्यांसाठी प्रधानमंत्री गतीशक्ती राष्ट्रीय बृहत् आराखड्याच्या जिल्हा आवृत्तीचा प्रारंभ

केंद्रीय वाणिज्य आणि उद्योगमंत्री पियुष गोयल यांनी आज नवी दिल्लीत २७ आकांक्षित जिल्ह्यांसाठी प्रधानमंत्री गतीशक्ती राष्ट्रीय बृहत् आराखड्याच्या जिल्हा आवृत्तीचा प्रारंभ केला. प्रधानमंत्री गतीशक्ती योजनेला तीन वर्ष पूर्ण झाली असून, पायाभूत सुविधांच्या नियोजनासाठी हे अतिशय उपयुक्त साधन ठरलं आहे, असं ते यावेळी म्हणाले. येत्या १८ महिन्यात जिल्हा बृहत् आराखड्याचा विस्तार ७५० पेक्षा जास्त जिल्ह्यांमधे केला जाईल, असं गोयल यांनी सांगितलं.

September 24, 2024 1:42 PM September 24, 2024 1:42 PM

भारताच्या उदयोन्मुख क्षेत्रांमध्ये मोठ्या गुंतवणुकीच्या संधी – मंत्री पियूष गोयल

वाणिज्य आणि उद्योग मंत्री पियूष गोयल यांनी आपल्या ऑस्ट्रेलिया दौऱ्याच्या कालच्या पहिल्या दिवशी अनेक बैठका घेतल्या आणि भागधारकांशी संवाद साधला. बिझनेस कौन्सिल ऑफ ऑस्ट्रेलियाने आयोजित केलेल्या गोलमेज परिषदेला गोयल उपस्थित होते. या बैठकीत भारताची मजबूत धोरणं आणि सुधारणांवर चर्चा झाली. भारतीय बाजारपेठेतली नवीकरणीय उर्जा, उत्पादन, शिक्षण, फिनटेक आणि ॲग्रीटेक यांसारख्या उदयोन्मुख क्षेत्रांमध्ये मोठ्या गुंतवणुकीच्या संधी असल्याचं प्रतिपादन गोयल यांनी यावेळी केलं. त्यानंतर त्यांनी सिडनी क्रिकेट मैदानावर...

September 22, 2024 11:01 AM September 22, 2024 11:01 AM

भारत 2027 पर्यंत तिसरी सर्वात मोठी अर्थव्यवस्था बनण्याच्या मार्गावर असून देशाचा विकास दर सात टक्क्यांच्या आसपास राहील – उद्योग मंत्री पियूष गोयल

भारत 2027 पर्यंत तिसरी सर्वात मोठी अर्थव्यवस्था बनण्याच्या मार्गावर असून देशाचा विकास दर सात टक्क्यांच्या आसपास राहील असा अंदाज वर्तवण्यात आला असल्याचं वाणिज्य आणि उद्योग मंत्री पियूष गोयल यांनी काल सांगितलं. लाओस इथं आयोजित 12 व्या पूर्व आशियाई देशांच्या अर्थमंत्र्यांच्या शिखर परिषदेत ते बोलत होते. पूर्व आशिया समिट फोरम बळकट करण्यास भारत वचनबद्ध असल्याचा गोयल यांनी पुनरुच्चार केला तसंच या मंचानं शांतता, स्थैर्य आणि आर्थिक भरभराटीला चालना देण्यात बजावलेल्या भूमिकेची प्रशंसा केली. जागतिक व्यापार ...

Social Media Links