कसोटी क्रिकेट मालिकेत आज न्यूझिलंड आणि भारत यांच्यात दुसऱ्या डावाचा सामना

October 20, 2024 10:24 AM October 20, 2024 10:24 AM

views 10

कसोटी क्रिकेट मालिकेत आज न्यूझिलंड आणि भारत यांच्यात दुसऱ्या डावाचा सामना

बंगळुरु इथं सुरू असलेल्या कसोटी क्रिकेट सामन्यात न्यूझिलंड आज दुसऱ्या डावाची सुरुवात करणार आहे. एमए चिदंबरम मैदानावर सुरू असलेल्या या सामन्यात न्यूझिलंडला जिंकण्यासाठी केवळ 107 धावांची गरज आहे. कसोटीच्या कालच्या चौथ्या दिवशी भारतानं दुसऱ्या डावात 462 धावा केल्या. सरफराज खानची शतकी खेळी आणि ऋषभ पंतच्या केवळ एका धावेनं हुकलेल्या शतकाच्या जोरावर भारताला ही धावसंख्या उभारता आली. त्याआधी न्यूझीलंडनं 402 धावा केल्या होत्या. भारतानं न्यूझीलंडसमोर विजयासाठी 107 धावांचं आव्हान ठेवलं आहे. जागतिक कसोटी क्र...

महिलांच्या T20 क्रिकेट स्पर्धेत न्यूझीलंड आणि दक्षिण आफ्रिका दरम्यान जेतेपदासाठी लढत

October 20, 2024 10:23 AM October 20, 2024 10:23 AM

views 10

महिलांच्या T20 क्रिकेट स्पर्धेत न्यूझीलंड आणि दक्षिण आफ्रिका दरम्यान जेतेपदासाठी लढत

महिलांच्या T20 क्रिकेट विश्वकरंडक स्पर्धेत आज दुबई इथं न्यूझीलंड आणि दक्षिण आफ्रिका विजेतेपदासाठी लढणार आहेत. 2016 नंतर प्रथमच या स्पर्धेचा नवीन विजेता असेल. संध्याकाळी साडेसात वाजता हा सामना सुरू होणार आहे.

न्यूझिलंड विरुद्धच्या कसोटी सामन्याच्या दुसऱ्या डावात भारतीय संघ ४६२ धावांवर तंबूत

October 19, 2024 8:36 PM October 19, 2024 8:36 PM

views 13

न्यूझिलंड विरुद्धच्या कसोटी सामन्याच्या दुसऱ्या डावात भारतीय संघ ४६२ धावांवर तंबूत

भारत आणि न्यूझीलंड दरम्यान बंगळुरूच्या चिन्नास्वामी मैदानावर सुरु असलेल्या पहिल्या क्रिकेट कसोटीच्या आजच्या दिवसअखेर भारताचा संघ ४६२ धावांवर सर्वबाद झाला. सध्या भारताकडे १०६ धावांची आघाडी आहे. भारताच्या सरफराज खाननं दीडशे धावा झळकवल्या, तर रिषभ पंतचं शतक थोडक्यात हुकलं. सध्या भारताचा संघ कसोटी क्रिकेटच्या क्रमवारीत पहिल्या स्थानावर आहे, तर न्यूझीलंड सहाव्या क्रमांकावर आहे.

बंगळुरु कसोटीत दुसऱ्या दिवसअखेर न्यूझीलंडकडे १३४ धावांची आघाडी

October 18, 2024 9:11 AM October 18, 2024 9:11 AM

views 12

बंगळुरु कसोटीत दुसऱ्या दिवसअखेर न्यूझीलंडकडे १३४ धावांची आघाडी

बंगळुरु कसोटीत भारतीय संघाचा पहिला डाव अवघ्या ४६ धावांत आटोपला. भारतीय संघाची ही मायदेशातली सर्वात कमी आणि एकूण तिसऱ्या क्रमांकाची किमान धावसंख्या आहे. विराट कोहलीसह भारताचे पाच खेळाडू शून्यावर बाद झाले. ऋषभ पंतनं २० आणि यशस्वी जयस्वालनं १३ धावा केल्या. मॅट हेन्रीनं १५ धावात ५ तर विल्यम ओरूक यानं १२ धावात ४ बळी घेतले. काल दुसऱ्या दिवसाचा खेळ थांबला तेव्हा न्यूझीलंडच्या ३ बाद १८० धावा झाल्या होत्या. न्यूझीलंडकडं आतापर्यंत १३४ धावांची आघाडी आहे.

महिलांच्या टी २० विश्वचषक स्पर्धेत न्यूझीलंड आणि पाकिस्तान यांच्यात आज सामना

October 14, 2024 2:26 PM October 14, 2024 2:26 PM

views 10

महिलांच्या टी २० विश्वचषक स्पर्धेत न्यूझीलंड आणि पाकिस्तान यांच्यात आज सामना

महिलांच्या टी २० विश्वचषक स्पर्धेत न्यूझीलंड आणि पाकिस्तान यांच्यात आज संध्याकाळी साडे ७ वाजता सामना होणार आहे.   पाकिस्तान हा सामना जिंकला तर भारताला उपांत्य फेरीत प्रवेश करायची संधी मिळेल. अ गटात ऑस्ट्रेलियानं काल भारतीय संघाला पराभूत केलं. त्यामुळं उपांत्य फेरीतली त्यांची जागा निश्चित झाली आहे.

महिलांच्या T20 विश्वचषक क्रिकेट स्पर्धेत आज संध्याकाळी अ गटात ऑस्ट्रेलियाचा सामना न्यूझीलंडशी होणार

October 8, 2024 11:09 AM October 8, 2024 11:09 AM

views 15

महिलांच्या T20 विश्वचषक क्रिकेट स्पर्धेत आज संध्याकाळी अ गटात ऑस्ट्रेलियाचा सामना न्यूझीलंडशी होणार

महिलांच्या T20 विश्वचषक क्रिकेट स्पर्धेत आज संध्याकाळी संयुक्त अरब अमिरातीतील शारजाह क्रिकेट स्टेडियमवर अ गटात ऑस्ट्रेलियाचा सामना न्यूझीलंडशी होणार आहे. यापुर्वी सामन्यात दोन्ही संघांनी आपले सुरुवातीचे सामने जिंकले होते. तत्पूर्वी, काल शारजाह इथं खेळल्या गेलेल्या सामन्यात इंग्लंडनं दक्षिण आफ्रिकेचा 7 गडी राखून पराभव केला. दक्षिण आफ्रिकेला निर्धारित वीस षटकांत केवळ 124 धावा करता आल्या. कर्णधार लॉरा वोल्वार्डने सर्वाधिक 42 धावा केल्या.  

महिला टी ट्वेंटी क्रिकेट विश्वचषक स्पर्धेत न्यूझीलंडनं भारताचा ५८ धावांनी पराभव केला

October 5, 2024 10:12 AM October 5, 2024 10:12 AM

views 17

महिला टी ट्वेंटी क्रिकेट विश्वचषक स्पर्धेत न्यूझीलंडनं भारताचा ५८ धावांनी पराभव केला

दुबईतल्या शारजा इथे सुरु असलेल्या महिला टी ट्वेंटी क्रिकेट विश्वचषक स्पर्धेत काल न्यूझीलंडनं भारताचा ५८ धावांनी पराभव केला. तर दक्षिण आफ्रिकेनं वेस्ट इंडिजचा १० गडी राखून पराभव केला. आज या स्पर्धेत अ गटात ऑस्ट्रेलिया आणि श्रीलंका तर ब गटात इंग्लंड आणि बांगलादेश यांच्यात सामना होणार आहे.

अफगाणिस्तान आणि न्यूझीलंड कसोटी सामन्याचा सलग चौथ्या दिवसाचा खेळही पावसामुळे रद्द

September 12, 2024 1:04 PM September 12, 2024 1:04 PM

views 12

अफगाणिस्तान आणि न्यूझीलंड कसोटी सामन्याचा सलग चौथ्या दिवसाचा खेळही पावसामुळे रद्द

अफगाणिस्तान आणि न्यूझीलंड दरम्यानच्या एकमेव क्रिकेट कसोटी सामन्याचा आजचा सलग चौथ्या दिवसाचा खेळही पावसामुळे रद्द करावा  लागला. उत्तर प्रदेशात ग्रेटर नोएडा इथल्या शहीद विजय सिंह पथिक स्टेडियममध्ये आयोजित हा सामना एकही चेंडू टाकल्याविनाच रद्द होण्याची शक्यता असून उद्या सकाळी याबाबतचा निर्णय घेतला जाईल, असं सामनाधिकारी जवगल श्रीनाथ यांनी सांगितलं. अफगाणिस्तान क्रिकेट मंडळातर्फे होणाऱ्या सामन्यांसाठी ग्रेटर नोएडातलं हे मैदान वापरलं जातं.

राष्ट्रपती द्रौपदी मुर्मू ऑकलंड भारतीय समुदायाशी संवाद साधणार

August 9, 2024 1:11 PM August 9, 2024 1:11 PM

views 11

राष्ट्रपती द्रौपदी मुर्मू ऑकलंड भारतीय समुदायाशी संवाद साधणार

राष्ट्रपती द्रौपदी मुर्मू आपल्या दोन दिवसीय न्यूझीलंड दौऱ्यात आज ऑकलंड इथं आयोजित एका नागरी स्वागत समारंभात तिथल्या भारतीय समुदायाशी आणि भारताच्या मित्र परिवाराशी संवाद साधणार आहेत. न्यू झीलंडमध्ये ३ लाखाहून अधिक भारतीय राहतात.    दरम्यान, न्यू झीलंड बरोबरचे राजनैतिक  संबंध अधिक दृढ करण्यासाठी भारत ऑकलंडमध्ये वाणिज्य दूतावास उघडणार असल्याचं राष्ट्रपतींनी काल त्यांच्या सन्मानार्थ आयोजित मेजवानीवेळी बोलताना सांगितलं.