डाउनलोड करा
मोबाइल ॲप
February 9, 2025 10:13 AM February 9, 2025 10:13 AM
13
नीट-युजी वैद्यकीय प्रवेश परीक्षा येत्या ४ मे रोजी घेण्यात येणार असल्याचं एन टी ए अर्थात राष्ट्रीय चाचणी संस्थेनं म्हटलं आहे. या परीक्षेसाठी अर्ज दाखल करण्याची प्रक्रिया कालपासून सुरु झाली असून ती ७ मार्चपर्यंत चालणार आहे.
August 2, 2024 3:41 PM August 2, 2024 3:41 PM
9
नीट युजी पेपरफुटी प्रकरणात सीबीआयनं काल बिहारमध्ये १३ आरोपींच्या विरोधात पहिलं आरोपपत्र दाखल केलं. या आरोपपत्रात पेपरफुटी प्रकरणातले मुख्य सूत्रधार मनिष प्रकाश, सिकंदर यादवेंदु आणि इतर ११ जणांनर विविध कलमांतर्गत गुन्हे दाखल करण्यात आले आहेत. नीट युजी पेपरफुटी प्रकरणात बिहार पोलिसांच्या आर्थिक गुन्हे शाखेनं आंतर राज्य टोळीचा छडा लावला होता. या प्रकरणात आतापर्यंत ४० जणांना अटक झाली असून ते पोलीस किंवा न्यायालयीन कोठडीत आहेत. या प्रकरणी पुढला तपास सुरु आहे.
July 20, 2024 3:19 PM July 20, 2024 3:19 PM
13
रांचीच्या राजेंद्र वैद्यकीय विज्ञान संस्थेनं एमबीबीएसच्या दुसऱ्या वर्षाला शिकणाऱ्या सुरभी कुमारीला नीट-यूजी प्रवेशपरीक्षा पेपरफुटी प्रकरणी निलंबित केलं आहे. तसंच परीक्षेच्या काळातल्या सुरभीच्या कृत्यांची चौकशी करण्यासाठी पाच सदस्यांच्या समितीचीही स्थापना संस्थेनं केली आहे. केंद्रीय अन्वेषण संस्थेनं काल सुरभीला तिच्या वसतिगृहातून अटक केली होती. त्यानंतर पुढच्या चौकशीसाठी तिची रवानगी तीन दिवसांच्या सीबीआय कोठडीत करण्यात आली. चौकशीदरम्यान तिनं पेपरफुटीत आपला सहभाग असल्याची कबुली दिली आहे.
July 20, 2024 8:51 PM July 20, 2024 8:51 PM
12
वैद्यकीय अभ्यासक्रमाच्या प्रवेशासाठीच्या ‘नीट-यूजी’ परीक्षेच्या केंद्रनिहाय निकालाची माहिती आज एनटीए अर्थात राष्ट्रीय परीक्षा संस्थेने आपल्या संकेतस्थळावर जाहीर केली. एनटीएने आज दुपारी १२ वाजेपर्यंत शहर आणि केंद्रनिहाय निकालाची माहिती संकेतस्थळावर जाहीर करावी, असे निर्देश सर्वोच्च न्यायालयानं दिले होते. त्यानुसार निकाल संकेतस्थळावर उपलब्ध करण्यात आले आहेत.
July 18, 2024 8:16 PM July 18, 2024 8:16 PM
29
नीट-युजी प्रवेश परीक्षा पेपरफुटी प्रकरणी सीबीआयनं आज एम्स-पटणा या संस्थेच्या चार विद्यार्थ्यांना ताब्यात घेतलं. हे विद्यार्थी एमबीबीएस अभ्यासक्रमाच्या दुसऱ्या आणि तिसऱ्या वर्षाचे असल्याचं एम्स-पटणाचे कार्यकारी संचालक डॉ. जी. के पाल यांनी सांगितलं. या विद्यार्थ्यांना ताब्यात घेण्यापूर्वी सीबीआयनं आपल्याला आगाऊ सूचना दिली होती, तसंच आपल्या संस्थेनं तपास यंत्रणेला सहकार्य केलं अशी माहिती त्यांनी दिली. सीबीआयनं या विद्यार्थ्यांचे लॅपटॉप जप्त केले असून त्यांच्या खोल्या सील केल्या आहेत. तसंच त्य...
July 15, 2024 7:21 PM July 15, 2024 7:21 PM
25
नीट यूजी अर्थात, पदवीपूर्व वैद्यकीय प्रवेश पात्रता परीक्षा पेपर फुटीप्रकरणी राष्ट्रीय परीक्षा संस्थेनं नव्यानं दाखल केलेल्या याचिकांवर सर्वोच्च न्यायालयानं आज संबंधित याचिकाकर्त्यांना नोटीस जारी केली. याप्रकरणी काही विद्यार्थ्यांच्या याचिका राजस्थान उच्च न्यायालयापुढे प्रलंबित आहेत. त्या सर्वोच्च न्यायालयाकडे वर्ग कराव्यात, असं राष्ट्रीय परीक्षा संस्थेच्या याचिकेत म्हटलं आहे. त्यावर सर्वोच्च न्यायालयानं, ही नोटीस बजावली आहे. मात्र राजस्थान उच्च न्यायालयापुढच्या प्रलंबित कार्यवाहीला स्थगिती देणार...
June 25, 2024 2:42 PM June 25, 2024 2:42 PM
25
नीट-युजी प्रवेश परीक्षेतल्या गैरप्रकाराची चौकशी करण्यासाठी सीबीआयनं बिहार, गुजरात आणि राजस्थानमधली ५ प्रकरणं हाती घेतली आहेत. सीबीआयनं गुजरात आणि बिहारमध्ये प्रत्येकी एक, तर राजस्थानमध्ये ३ प्रकरणं हाती घेतली असून, महाराष्ट्रातल्या लातूरमधल्या प्रकरणाची चौकशी सीबीआय हाती घेण्याची शक्यता आहे. बिहार पोलिसांनी दाखल केलेला एफआयआर पेपरफुटी प्रकरणी असून, इतर ४ प्रकरणं तोतया उमेदवार, तसंच उमेदवार, स्थानिक अधिकारी आणि निरीक्षकांचा समावेश असलेल्या फसवणुकीची असल्याचं ते म्हणाले.
June 23, 2024 7:49 PM June 23, 2024 7:49 PM
6
नीट यूजी पेपरफुटीप्रकरणी केंद्रीय शिक्षण मंत्रालयाने केेलेल्या तक्रारीनंतर सीबीआय अर्थात केंद्रीय अन्वेषण संस्थेने गुन्हा दाखल केला आहे. या प्रकरणी देशभरात दाखल झालेल्या गुन्ह्यांचा तपास हाती घेण्यासाठी सीबीआय पावलं उचलत आहे. नीट यूजी परीक्षेतल्या अनियमिततेचं प्रकरण काल केंद्रीय शिक्षण मंत्रालयाने सीबीआयकडे सोपवलं होतं. परीक्षेचं पावित्र्य अबाधित राखण्यासाठी आणि विद्यार्थ्यांच्या हिताचं रक्षण करण्यासाठी सरकार वचनबद्ध आहे. तसंच या प्रकरणात दोषी असणाऱ्यांविरोधात कडक कारवाई केली जाईल, असं शिक्षण मं...
गोपनीयता धोरण | कॉपीराइट © 2025 बातम्या ऑन एअर. सर्व हक्क राखीव
शेवटचे अद्यावत: 26th Dec 2025
