मुंबईच्या गोरेगाव उपनगरात खडकपाडा इथं फर्निचर मार्केटमध्ये आग

मुंबईच्या गोरेगाव उपनगरात खडकपाडा इथं आज सकाळी फर्निचर मार्केटमध्ये  आग लागली. आग आटोक्यात आणण्यासाठी अग्निशमन दलाचे आठ बंब घटनास्थळी पोचले. या आगीवर नियंत्रण मिळवण्याचे प्रयत्न अजून सुरू आहेत. आग वेगानं पसरल्यानं फर्निचरचं मोठ्या प्रमाणावर नुकसान झालं असून आगीत सहा दुकानं जळून पूर्ण खाक झाली. या आगीत कोणतीही जीवित हानी झाली नसल्याची माहिती अग्निशमन दलानं दिली आहे.