२०३६च्या ऑलिम्पिक स्पर्धा भारतात आयोजित करण्यासाठी भारताचे प्रयत्न

२०३६च्या ऑलिम्पिक स्पर्धा भारतात आयोजित करण्याबाबत भारतीय ऑलिम्पिक संघटनेनं ऑलिंपिकचे भविष्यातले यजमान ठरवणाऱ्या समितीसोबत संवाद सुरू केला आहे. राज्यसभेत युवा व्यवहार आणि क्रीडा मंत्री डॉ. मनसुख मांडविय यांनी लेखी उत्तरात ही माहिती दिली. देशात विविध क्रीडा स्पर्धांचं आयोजन करण्यासाठी क्रीडा पायाभूत सुविधा वाढवणे ही एक सतत प्रक्रिया असल्याचंही त्यांनी म्हटलं आहे..