दिग्गज ब्रिटीश अभिनेत्री मॅगी स्मिथ यांचं निधन

दिग्गज ब्रिटीश अभिनेत्री मॅगी स्मिथ यांचं वयाच्या ८९ व्या वर्षी लंडन इथं निधन झालं. हॅरी पॉटर या गाजलेल्या सिनेमातली प्रोफेसर मिनर्व्हा मॅक्गोनागल ही त्यांची भूमिका विशेष उल्लेखनीय ठरली. स्मिथ यांनी त्यांच्या कारकिर्दीत सुमारे ५० हून अधिक चित्रपटांत विविध प्रकारच्या भूमिका केल्या. १९६९ मधील ‘दि प्राइम ऑफ मिस जीन ब्रॉडी’ आणि १९७८ मध्ये प्रदर्शित झालेल्या ‘कॅलिफोर्निया सूट’ या सिनेमांसाठी त्यांना ऑस्कर पुरस्कार मिळाला होता.