जम्मू-काश्मीरमध्ये दहशतवाद्यांसोबत झालेल्या चकमकीनंतर सुरक्षा दलांची व्यापक शोधमोहीम

जम्मू काश्मीरमध्ये दहशतवाद्यांसोबत नुकत्याच झालेल्या चकमकीनंतर आज सुरक्षा दलांनी व्यापक शोधमोहीम राबवली. कठुआ जिल्ह्यातल्या बिल्लवर तालुक्यातल्या कोग मंडली जंगल परिसरात शनिवारी संध्याकाळी पोलीस आणि दहशतवादी यांच्यात झालेल्या चकमकीत एका पोलिसाला वीरमरण आलं होतं तसंच एक दहशतवादी  ठार झाला होता. तर रजौरी जिल्ह्यात रविवारी संध्याकाळी दहशतवादी आणि सुरक्षा दलाचे जवान यांच्यात चकमक झाली होती. या पार्श्वभूमीवर आज सलग तिसऱ्या दिवशी शोधमोहीम राबवण्यात आली.