Israel | डीडी न्यूज ऑन एअर

October 7, 2024 10:35 AM October 7, 2024 10:35 AM

इस्राइलच्या लष्करानं अतीदक्षतेचा इशारा

दरम्यान, हमास या दहशतवादी संघटनेनं इस्राइलवर हल्ला केल्याच्या घटनेला आज वर्ष होत आहे. या पार्श्वभूमीवर इस्राइलच्या लष्करानं अतीदक्षतेचा इशारा दिला आहे. गाझामधून लांब पल्ल्याच्या रॉकेटस् द्वारे किंवा अन्य प्रकारे हल्ला होण्याची शक्यता लक्षात घेऊन इस्राइलनं गाझा सीमेवर मोठ्या प्रमाणात सैन्य तैनात केलं आहे. दरम्यान, इस्राइलचे पंतप्रधान बेंजामिन नेतान्याहू यांनी उत्तर सीमेवरील लष्करी ठाण्यांना भेट देऊन तिथल्या सैनिकांशी संवाद साधला. या सीमेजवळच हिज्बुल्लाह संघटनचे प्रमुख तळ आहेत.

October 3, 2024 8:37 PM October 3, 2024 8:37 PM

इस्रायलच्या सततच्या हल्ल्यांदरम्यान गाझामध्ये भूकबळींची संख्या वाढण्याची शक्यता

इस्रायलच्या सततच्या हल्ल्यांदरम्यान गाझामध्ये भूकबळींची संख्या वाढण्याची शक्यता उनरवा, अर्थात संयुक्तराष्ट्राचे पॅलेस्टीनच्या पूर्वेकडच्या विस्थापितांसाठीच्या पुनर्वसन कार्याचे आयुक्त, जनरल फिलिप लाझारिनी यांनी समाजमाध्यमांवर व्यक्त केली आहे. गाझामधल्या 10 लाखांहून अधिक लोकांना ऑगस्टमध्ये अन्नधान्य मिळाले नाही आणि सप्टेंबरपर्यंत ही संख्या 10 लाख 40 हजार पेक्षा जास्त झाली असल्याचं त्यांनी सांगितलं.

October 3, 2024 1:29 PM October 3, 2024 1:29 PM

दक्षिण लेबनॉनमध्ये हिजबुल्लासोबत झालेल्या संघर्षात इस्रायलचे ८ सैनिक ठार

दक्षिण लेबनॉनमध्ये काल हिजबुल्लासोबत झालेल्या संघर्षात इस्रायलचे आठ सैनिक ठार झाल्याचं इस्त्रायलच्या सैन्यानं सांगितलं आहे. इस्रायलनं सैनिकी कारवाई केल्यानंतर उत्तरादाखल हिजबुल्लानं हा हल्ला केला. एका व्हिडिओ संदेशात इस्रायलचे प्रधानमंत्री बेंजामिन नेतन्याहू यांनी याबाबत शोक व्यक्त केला आहे. ते पुढे म्हणाले की, या हल्ल्याला जशास तसं उत्तर दिलं जाईल. इराणलाही याचे परिणाम भोगावे लागतील. इस्रायलची सुरक्षितता सुनिश्चित करण्याचही त्यांनी वचन दिलं. इस्रायली हवाई दलाने बैरूतच्या दक्षिणेकडील उपनगरातील ह...

October 2, 2024 11:53 AM October 2, 2024 11:53 AM

इराणनचा इस्त्राईलवर क्षेपणास्त्र हल्ला

हिजबुल्लाह आणि हमास या अतिरेकी संघटनांच्या काही प्रमुख नेत्यांना मारल्याचा बदला म्हणून इराणनं इस्त्राईलवर काल क्षेपणास्त्र हल्ला केला. काल रात्री उशिरा पर्यन्त इराणनं इस्राइल वर 180 क्षेपणास्त्र डागली. इस्राइलच्या तेल अविव आणि जेरूसेलेम या दोन प्रमुख शहरांवर हा क्षेपणास्त्र हल्ला झाल्यानं नागरिकांनी बॉम्ब रोधक ठिकाणांचा आश्रय घेतला. या हल्ल्यामुळे काल दिवसभर इस्त्राईल मध्ये नागरिकांना सतर्क करण्यासाठी सतत भोंगे वाजत होते. दरम्यान, कालच्या हल्ल्यात आतापर्यंत कोणतीही जीवितहानी झाल्याचं वृत्त नाही ...

October 1, 2024 11:09 AM October 1, 2024 11:09 AM

पश्चिम आशियातील घडामोडींसंदर्भात प्रधानमंत्री नरेंद्र मोदी यांची इस्राईलच्या प्रधानमंत्र्यांशी चर्चा

पश्चिम आशियातील अलीकडच्या काळातील घडामोडींविषयी प्रधानमंत्री नरेंद्र मोदी यांनी इस्राईलचे प्रधानमंत्री बेंजामिन नेत्यान्याहू यांच्याशी काल चर्चा केली. दहशतवादाला जगात कुठेही थारा नसल्याचं प्रधानमंत्र्यांनी आपल्या समाज माध्यमावरील संदेशात म्हटलं आहे. पश्चिम आशियातील तणाव निवळणं आवश्यक आहे; ओलिस ठेवलेल्यांची सुरक्षित सुटका करणंही महत्त्वाचं असून, या क्षेत्रात लवकरात लवकर शांतता आणि स्थिरता प्रस्थापित व्हावी यासाठी भारताचा कायमच पाठिंबा असेल असंही पंतप्रधानांनी नमूद केलं.

September 28, 2024 2:33 PM September 28, 2024 2:33 PM

लेबननची राजधानी बैरुतमधील अनेक नागरी वसाहतींवर हवाई हल्ले

इस्रायलच्या फौजांनी काल लेबननची राजधानी बैरुतमधील अनेक नागरी वसाहतींवर हवाई हल्ले केले. इराणचा पाठिंबा असलेल्या हिजबोल्हा या दहशतवादी संघटनेचा प्रमुख हसन नसरल्लाह यांच्यासाठी हे हल्ले करण्यात आल्याचं इस्रायली आणि अमेरिकन लष्करी अधिकाऱ्यांनी म्हटलं आहे. इस्रायली प्रधानमंत्री बेंजामिन नेत्यन्याहू यांच्या संयुक्त राष्ट्रसंघातल्या भाषणानंतर थोड्याच वेळात हे हल्ले करण्यात आले. हसनच्या केंद्रीय मुख्यालयावर हल्ले करण्यात आल्याचंही त्यांनी म्हटलं आहे. हल्ल्याच्या वेळी तो या इमारतीत होता की नाही हे स्पष्...

September 26, 2024 8:44 PM September 26, 2024 8:44 PM

इस्रायलने लेबननमध्ये केलेल्या हवाई हल्ल्यात ६०० पेक्षा जास्त जण ठार

इस्रायलने लेबननमध्ये केलेल्या हवाई हल्ल्यात सहाशे पेक्षा जास्त जण ठार झाले आहेत. हिजबुल्लाहने इस्रालवर क्षेपणास्त्राचा मारा करत या हल्ल्याला प्रत्युत्तर दिलं आहे. अमेरिका, फ्रान्स आणि मित्र राष्ट्रांनी इस्रायल-लेबनन सीमेवर २१ दिवसांचा युद्धविराम घ्यावा, अशी मागणी केली आहे. अमेरिका, फ्रान्ससह युरोपियन युनियन, जर्मनी, सौदी अरेबिया, कतर आणि संयुक्त अरब अमिराती यांनी हे निवेदन केलं आहे. तर इस्रायलचे राष्ट्राध्यक्ष बेंजामीन नेत्यानाहू यांच्या कार्यालयानं इस्रायल संरक्षण दलाला अधिक जोमाने लढण्याचे निर...

September 23, 2024 8:24 PM September 23, 2024 8:24 PM

लेबननमध्ये आज सकाळपासून इस्रायलनं केलेल्या हल्ल्यांमध्ये किमान १८२ जण ठार

लेबननमध्ये आज सकाळपासून इस्रायलनं केलेल्या हल्ल्यांमध्ये किमान १८२ जण ठार झाले असून ७२७ जण जखमी झाले आहेत. यात बालकं, महिला, आणि आरोग्यसेवकांचा समावेश असल्याचं लेबननच्या आरोग्यमंत्र्यांनी सांगितलं. लेबननमधल्या ३०० ठिकाणांवर हल्ले केल्याची माहिती इस्रायली सैन्यानं दिली आहे. दुसऱ्या बाजूला, हिजबुल्लाह या दहशतवादी संघटनेनं इस्रायलच्या उत्तर भागातल्या लष्करी तळांवर आणि रसद गोदामांवर क्षेपणास्त्र डागली आहेत. इस्रायलनं केलेल्या हवाई हल्ल्याला प्रत्युत्तर म्हणून हा हल्ला केल्याचं हिजबुल्लाहनं म...

August 20, 2024 11:12 AM August 20, 2024 11:12 AM

इस्रायलची ओलिस ठेवलेल्यांच्या सुटकेच्या अमेरिकेच्या प्रस्तावाला मान्यता

अमेरिकेचे परराष्ट्र मंत्री अँटनी ब्लिंकन यांच्याशी जेरुसलेम इथं तीन तास चर्चा केल्यानंतर इस्रायलचे प्रधानमंत्री बेंजामीन नेतान्याहू यांनी हमासनं ओलिस ठेवलेल्या इस्रायलींच्या सुटकेबाबत मध्यस्थी करण्याचा अमेरिकेचा प्रस्ताव मान्य केला. इस्रायलच्या सुरक्षेच्या गरजा लक्षात घेऊन ओलिसांच्या सुटकेसाठी मध्यस्थी करण्याच्या अमेरिकेच्या प्रस्तावाशी इस्रायल वचनबद्ध असल्याचा पुनरुच्चार नेतान्याहू यांच्या कार्यालयानं प्रसिद्धीस दिलेल्या निवेदनात केला. नेतान्याहू यांनी अमेरिकेच्या प्रस्तावाला पहिल्यांदाच जाहीरर...

August 4, 2024 2:02 PM August 4, 2024 2:02 PM

इस्राइल आणि हिजबुल्लाह यांच्यात युद्ध परिस्थिती निर्माण झाल्यास खबरदारी म्हणून अमेरिका आणि इंग्लडनं लेबनाॅन मधल्या आपल्या नागरिकांना तिथून तातडीनं बाहेर पडण्याची सूचना

इस्राइल आणि हिजबुल्लाह यांच्यातल्या तीव्र संघर्षाच्या पार्श्वभूमीवर युद्ध परिस्थिती निर्माण झाल्यास खबरदारी म्हणून अमेरिका आणि इंग्लडनं लेबनाॅन मधल्या आपल्या नागरिकांना तिथून तातडीनं बाहेर पडण्याची सूचना केली आहे. अनेक विमान कंपन्यानी लेबनाॅन मधल्या हवाई सेवा रद्द केल्या असल्या तरी अद्याप काही विमानसेवा उपलब्ध आहेत असं लेबनाॅन मधल्या अमेरिकी दूतावासानं सांगितलं आहे. दरम्यान स्वीडननं सर्वात आधी बेरुट मधला दूतावास बंद केला आहे.

Social Media Links