भारतीय ग्रीडद्वारे नेपाळ ते बांगलादेशपर्यंत विद्युतप्रवाह सुरू

भारतीय ग्रीडद्वारे नेपाळ ते बांगलादेशापर्यंत विद्युतप्रवाह आज सुरू झाला. बांगलादेशाच्या ऊर्जा मंत्रालयाचे सल्लागार मोहम्मद फौजुल कबीर खान आणि नेपाळचे ऊर्जा मंत्री दीपक खडका यांच्यासमवेत केंद्रीय ऊर्जा मंत्री मनोहर लाल यांनी पहिल्या 40 मेगावॅटपर्यंतच्या विद्युतप्रवाहाचं उद्घाटन केलं. त्यामुळे भारत, नेपाळ आणि बांगलादेश यांच्या ऊर्जा सहकार्याला एक नवा आयाम मिळाला आहे, असं ऊर्जा मंत्रालयानं म्हटलं आहे.