India | डीडी न्यूज ऑन एअर

July 18, 2024 8:20 PM July 18, 2024 8:20 PM

जगातल्या पाच मोठ्या कोळसा खाणींपैकी दोन खाणी भारतात – कोळसा मंत्रालय

जगातल्या पाच सर्वात मोठ्या कोळसा खाणींपैकी दोन खाणी भारतात असल्याचं कोळसा मंत्रालयानं जारी केलेल्या निवेदनात म्हटलं आहे. गेवरा आणि कुसमुंडा या दोन खाणी जगातल्या सर्वात मोठ्या कोळसा खाणींमध्ये अनुक्रमे दुसऱ्या आणि चौथ्या क्रमांकावर असून, त्या कोल इंडियाची उपकंपनी असलेल्या साऊथ ईस्टर्न कोलफिल्डस लिमिटेड या कंपनीच्या ताब्यात आहेत. या दोन खाणी एकत्रितपणे वर्षाला १०० दशलक्ष टन पेक्षा जास्त कोळसा उत्पादन करत असून भारताच्या एकूण कोळसा उत्पादनाच्या ते १० टक्के इतकं आहे.

July 17, 2024 8:39 PM July 17, 2024 8:39 PM

पॅरिस ऑलिंपिकसाठी भारतीय संघाच्या यादीवर केंद्रीय क्रीडा मंत्रालयाचं शिक्कामोर्तब

पॅरिस ऑलिंपिकसाठी भारतीय संघाच्या यादीवर केंद्रीय क्रीडा मंत्रालयानं शिक्कामोर्तब केलं आहे. संघात ११७ खेळाडूंचा समावेश असून सोबत १४० तज्ञ, अधिकारी आणि कर्मचारी असतील. एथलेटिक्स प्रकारात सर्वाधिक २९ खेळाडूंची निवड झाली असून नेमबाजीसाठी २१ जण भाग घेणार आहेत. हॉकीसाठी १९, टेबल टेनिसकरता आठ आणि बॅडमिंटनसाठी सात खेळाडू भारताचं प्रतिनिधित्व करतील. मुष्टियुद्ध आणि तिरंदाजीसाठी प्रत्येकी ६, गोल्फ साठी ४ तर टेनिसकरता ३ खेळाडूंचा समावेश संघात केला आहे. याखेरीज जलतरण, नौकानयन, भारोत्तोलन, ज्युदो इत्...

July 17, 2024 2:00 PM July 17, 2024 2:00 PM

भारताचा जीडीपी वाढीचा दर ७ टक्के राहील, आंतरराष्ट्रीय नाणेनिधीचा अंदाज

आंतरराष्ट्रीय नाणेनिधीने चालू आर्थिक वर्ष २०२४-२०२५ साठी भारताच्या आर्थिक वाढीचा दर वीस शतांशांनी वाढून ७ टक्के राहील, असा अंदाज व्यक्त केला आहे. यापूर्वी एप्रिल महिन्यातही नाणेनिधीने आपल्या वर्ल्ड इकोनॉमिक आऊटलूकमध्ये भारताच्या स्थूल देशांतर्गत उत्पन्नाचा अंदाज ३० शतांशांनी वाढवून ६ पूर्णांक ८ दशांश टक्के केला होता. संस्थेने नुकत्याच प्रकाशित केलेल्या निरीक्षणात, भारताच्या ग्रामीण भागात खासगी खर्चामध्ये वाढ होण्याच्या शक्यतेमुळे हा अंदाज वर्तवला आहे. यामुळे भारत ही जगातली सर्वात वेगवान व...

July 16, 2024 3:25 PM July 16, 2024 3:25 PM

पॅलेस्टाइनमधल्या निर्वासितांसाठी 25 लाख डॉलरच्या निधीचा पहिला हप्ता भारताकडून जारी

भारतानं पॅलेस्टाइनमधल्या निर्वासितांसाठी 25 लाख डॉलरचा निधीचा पहिला हप्ता काल संयुक्त राष्ट्रांच्या मदत संस्थेकडे म्हणजे यूएनआरडब्ल्यूएकडे काल जारी केला. भारतानं 2024-25 या वर्षात पन्नास लाख डॉलर मदत देण्याचं जाहीर केलं आहे. पॅलेस्टाइनमधल्या निर्वासितांसाठी औषधं, शिक्षण, मदत आणि सामाजिक सेवा यांच्यासाठी हा निर्धी वापरला जाणार आहे, असं समाजमाध्यमांवरच्या संदेशात भारतानं म्हटलं आहे. गेल्या वर्षी भारतानं यूएनआरडब्लूला तीन कोटी पन्नास लाख डॉलरचा निधी दिला होता.

July 10, 2024 1:15 PM July 10, 2024 1:15 PM

रशियन सैन्यात मदतनीस असणाऱ्या भारतीयांना परत पाठवण्याची मागणी रशियाकडून मान्य

रशियन सैन्यात मदतनीस म्हणून काम करणाऱ्या भारतीय नागरिकांना लवकरात लवकर मायदेशी पाठवण्याची भारताची मागणी रशियानं मान्य केली आहे, अशी माहिती परराष्ट्र सचिव विनय क्वात्रा यांनी माध्यमांना दिली. प्रधानमंत्री नरेंद्र मोदी यांनी रशियाचे राष्ट्राध्यक्ष व्लादिमीर पुतिन यांच्याशी झालेल्या अनौपचारिक चर्चेदरम्यान हा मुद्दा उपस्थित केला, तेव्हा पुतिन यांनी मोदी यांची विनंती तात्काळ मान्य केली. सध्या रशियन सैन्यात ३५ ते ५० भारतीय मदतीस म्हणून काम करतात. तर दहा जण आधीच मायदेशी परतले आहेत.

July 10, 2024 10:55 AM July 10, 2024 10:55 AM

गौतम गंभीर यांची भारतीय क्रिकेट संघाच्या मुख्य प्रशिक्षकपदी निवड

भारतीय क्रिकेट संघाचे मुख्य प्रशिक्षक म्हणून, माजी क्रिकेटपटू गौतम गंभीर यांची निवड करण्यात आली आहे. भारतीय क्रिकेट नियामक मंडळाचे सचिव जय शहा यांनी समाजमाध्यमावरील संदेशाद्वारे काल ही घोषणा केली. भारतानं टी-20 विश्वचषक जिंकल्यानंतर मुख्य प्रशिक्षक राहुल द्रविड यांनी आपली निवृत्ती जाहीर केली होती; त्यांच्या जागी आता गौतम गंभीर यांची निवड झाली आहे.

July 10, 2024 10:57 AM July 10, 2024 10:57 AM

टी-२० महिला क्रिकेट : भारताचा दक्षिण आफ्रिकेवर १० गडी राखत विजय

भारत आणि दक्षिण अफ्रिके दरम्यान चेन्नई इथं सुरु असलेल्या 20 षटकांच्या महिला क्रिकेट सामन्यात तिसऱ्या आणि अंतिम सामन्यात भारतीय संघानं 10 गडी राखून पाहुण्या संघावर दणदणीत विजय मिळवला. विजयासाठी 85 धावांचं लक्ष्य भारतीय खेळाडूंनी केवळ 10 षटकं आणि 6 चेंडूत पार केलं. या मालिकेतील दुसरा सामना पावसामुळे रद्द झाला होता. कालचा सामना जिंकून भारतानं मालिकेत 1-1 अशी बरोबरी राखली. वेगवान गोलंदाज पूजा वस्त्रकारला तिच्या कारकिर्दीतील सर्वोत्कृष्ट गोलंदाजीसाठी सामनावीर म्हणून घोषित करण्यात आले. तर संपूर्ण मालि...

July 8, 2024 1:11 PM July 8, 2024 1:11 PM

पॅरिस डायमंड लीगमध्ये स्टीपलचेस प्रकारात भारताच्या अविनाश साबळेचा नवा राष्ट्रीय विक्रम

पॅरिस ऑलिम्पिकसाठी निवड झालेला भारतीय धावपटू अविनाश साबळे यानं काल डायमंड लीग स्पर्धेत पुरुषांच्या ३ हजार मीटर स्टीपलचेस प्रकारात स्वतःचा राष्ट्रीय विक्रम मोडला. पॅरिसच्या चार्लेटी मैदानावर झालेल्या स्पर्धेत अविनाशने ८ मिनिटं , ९ सेकंद आणि ९१ मायक्रोसेकंदां मध्ये अंतर पार करत नवा विक्रम प्रस्थापित केला. या विक्रमासह अविनाशला स्टीपलचेस प्रकारात सहावं स्थान मिळवता आलं. जुना राष्ट्रीय विक्रमही अविनाशच्या नावावर नोंदला आहे. दोन वर्षांपूर्वी अविनाशनेच बर्मिंघमच्या राष्ट्रकुल स्पर्धेत स्टीपलचेस प्रकार...

July 8, 2024 10:58 AM July 8, 2024 10:58 AM

महिला क्रिकेट : भारत आणि दक्षिण आफ्रिका सामना पावसामुळे रद्द

महिला क्रिकेटमध्ये भारत आणि दक्षिण आफ्रिका यांच्यातील चेन्नईच्या एमए चिदंबरम स्टेडियमवरचा सामना पावसामुळे रद्द करण्यात आला. तत्पूर्वी, फलंदाजीसाठी आलेल्या दक्षिण आफ्रिकेने निर्धारित 20 षटकांत 6 गडी गमावत 177 धावा केल्या होत्या. तझमिन ब्रिट्सने सर्वाधिक 52 धावा 39 चेंडूत केल्या, तर एनेक बॉशने 32 चेंडूत 40 धावा केल्या. भारताकडून दीप्ती शर्मा आणि पूजा वस्त्राकर यांनी प्रत्येकी 2, तर श्रेयंका पाटील आणि राधा यादव यांनी प्रत्येकी एक गडी बाद केला. मात्र, खेळाच्या विश्रांतीदरम्यान मुसळधार पाऊस झा...

July 7, 2024 8:33 PM July 7, 2024 8:33 PM

झिम्बाव्वे विरोधातल्या दुसऱ्या टी ट्वेंटी सामन्यात भारताचा १०० धावांनी विजय

भारत आणि झिम्बाव्वे यांच्यात आज झालेल्या दुसऱ्या टी ट्वेंटी सामन्यात भारतानं १०० धावांनी विजय मिळवत मालिकेत १-१ अशी बरोबरी साधली आहे. नाणेफेक जिंकून प्रथम फलंदाजी करताना, अभिषेक शर्मा यानं झळकावलेल्या पहिल्या शतकाच्या जोरावर भारतानं, झिम्बाव्वे समोर विजयासाठी २३५ धावांचं आव्हान ठेवलं होतं. मात्र १९व्या षटकातच झिम्बाव्वेचा संपूर्ण संघ १३४ धावांत माघारी परतला. भारताच्या वतीनं मुकेश कुमार आणि आवेश खान यांनी प्रत्येकी ३ तर रवी बिष्णोई यानं २ गडी बाद केले. पाच सामन्यांच्या मालिकेला तिसरा सामन...

Social Media Links