India | डीडी न्यूज ऑन एअर

December 16, 2024 1:50 PM December 16, 2024 1:50 PM

भारतीय महिला संघानं पटकावलं आशियाई कनिष्ठ हॉकी स्पर्धेचं अजिंक्यपद

महिला हॉकीत भारतानं कनिष्ठ गटातला आशियाई चषक पटकावला आहे. ओमानची राजधानी मस्कत इथं काल रात्री झालेल्या अंतिम सामन्यात भारतीय संघानं पेनाल्टी शूट आउटमधे चीनचा ३-२ असा पराभव केला. भारतासाठी साक्षी राणा, इशिका आणि सुनेलिता तोप्पो या तिघींनी गोल केले. भारतीय गोलकीपर निधी हिनं तीन गोल वाचवले. गेल्या वर्षीही भारतीय महिला संघानं या स्पर्धेचं जेतेपद मिळवलं होतं. या स्पर्धेत भारताच्याच दीपिका शेरावतनं सर्वाधिक १२ गोल केले.

December 16, 2024 10:10 AM December 16, 2024 10:10 AM

भारताचं शेजारी देशांना प्राधान्य देण्याचं धोरण आणि सागर उपक्रमांसाठी श्रीलंकेसोबतचे संबंध महत्त्वाचं – मंत्री डॉ. एस जयशंकर

परराष्ट्र व्यवहार मंत्री डॉक्टर एस जयशंकर यांनी काल श्रीलंकेच्या राष्ट्राध्यक्षांशी संवाद साधला. भारताचं शेजारी देशांना प्राधान्य देण्याचं धोरण आणि सागर उपक्रम यांच्यासाठी श्रीलंकेसोबतचे संबंध महत्त्वाचे आहेत. प्रधानमंत्री मोदी आणि श्रीलंकेच्या राष्ट्राध्यक्षांमधल्या चर्चेमुळे हे संबंध आणखी दृढ विश्वासाचे आणि सहकार्याचे होतील असा विश्वास जयशंकर यांनी समाजमाध्यमावरील संदेशात व्यक्त केला आहे.

December 16, 2024 10:10 AM December 16, 2024 10:10 AM

अर्थव्यवस्था, सुरक्षेमध्ये भारत-श्रीलंका भागीदारी अधिक दृढ करण्यासाठी वचनबद्ध – श्रीलंकेचे राष्ट्राध्यक्ष

केंद्रिय अर्थमंत्री निर्मला सीतारामन, परराष्ट्र व्यवहार मंत्री डॉ. एस. जयशंकर आणि राष्ट्रीय सुरक्षा सल्लागार अजित डोवाल यांच्यासोबतची चर्चा यशस्वी झाल्याचं श्रीलंकेचे राष्ट्राध्यक्ष दिस्सानायके यांनी म्हटलं आहे. भारत श्रीलंका आर्थिक सहकार्य वाढवणं, गुंतवणुकीच्या संधींना प्रोत्साहन देणं, क्षेत्रिय सुरक्षा मजबूज करणं आणि पर्यटन, उर्जा यासारख्या क्षेत्रांचं आधुनिकीकरण याविषयी प्रामुख्यानं चर्चा झाल्याचं दिस्सानायके यांनी समाज माध्यमावरील संदेशात म्हटलं आहे. यामुळे दोन्ही देशांमधली भागीदारी सुदृढ कर...

December 16, 2024 1:26 PM December 16, 2024 1:26 PM

प्रधानमंत्री श्रीलंकेच्या राष्ट्रपतींसोबत द्विपक्षीय चर्चा करणार

प्रधानमंत्री नरेंद्र मोदी आज नवी दिल्लीत श्रीलंकेचे राष्ट्रपती अनुरा कुमारा दिसानायके यांच्याबरोबर द्विपक्षीय चर्चा करतील. दिसानायके आणि त्यांच्याबरोबरच्या मान्यवरांचं आज सकाळी राष्ट्रपती भवनाच्या प्रांगणात औपचारिक स्वागत करण्यात आलं. राष्ट्रपती द्रौपदी मुर्मु आणि प्रधानमंत्री नरेंद्र मोदी यावेळी उपस्थित होते. अनुरा कुमारा दिसानायके तीन दिवसांच्या भारत दौऱ्यावर आले असून आज संध्याकाळी ते राष्ट्रपती द्रौपदी मुर्मु आणि उपराष्ट्रपती जगदीप धनघड यांची भेट घेणार आहेत. तसंच बिहारमधल्या बौद्ध गया इथंही...

December 15, 2024 8:20 PM December 15, 2024 8:20 PM

१९ वर्षाखालच्या आशिया चषक स्पर्धेत भारताकडून पाकिस्तानचा पराभव

१९ वर्षाखालच्या क्रिकेटमधे, मलेशियात क्वालालंपूर इथं सुरु असलेल्या आशिया चषक स्पर्धेत भारताच्या महिला संघानं अ-गटातल्या सलामीच्या सामन्यात पाकिस्तानच्या महिला संघावर ९ गडी राखून दणदणीत विजय नोंदवला. प्रथम फलंदाजी करणाऱ्या पाकिस्तानचा डाव भारतानं ७ बाद ६७ वर रोखला. सोनम यादवनं ४ षटकात फक्त ६ धावा देत ४ बळी घेतले. विजयी लक्ष्याचा पाठलाग करताना कमलिनी आणि सानिका चाळके यांनी तडाखेबंद भागीदारी करत ७ षटकं आणि ५ चेंडूत भारताला विजय मिळवून दिला. कमलिनीनं २९ चेंडूत ४४ धावा केल्या. ती सामन्यातली सर्वोत्क...

December 15, 2024 11:08 AM December 15, 2024 11:08 AM

श्रीलंकेचे राष्ट्रपती अनुरा कुमारा दिसानायके भारताच्या 3 दिवसांच्या दौऱ्यावर

श्रीलंकेचे राष्ट्रपती अनुरा कुमारा दिसानायके आज भारताच्या 3 दिवसांच्या दौऱ्यावर येणार आहेत. श्रीलंकेच्या राष्ट्राध्यक्षपदाची सूत्रे हाती घेतल्यानंतर त्यांचा हा पहिलाच भारत दौरा आहे. दिसानायके यांच्या भेटीमुळे दोन्ही देशांमधील परस्पर सहकार्य अधिक बळकट होण्यास मदत होणार आहे. या भेटीदरम्यान दिसानायके राष्ट्रपती द्रौपदी मुर्मू यांची भेट घेणार असून द्विपक्षीय मुद्द्यांवर पंतप्रधान नरेंद्र मोदी यांच्याशीही ते चर्चा करणार आहेत. गुंतवणुकीला प्रोत्साहन देण्यासाठी आणि दोन्ही राष्ट्रांमधील व्यावसायिक संबंध...

December 12, 2024 7:25 PM December 12, 2024 7:25 PM

बॅडमिंटन वर्ल्ड टूरच्या अंतिम फेरीत भारतीय महिला जोडीचा तिसऱ्या फेरीत प्रवेश

चीनच्या हांगझोऊ येथे सुरू असलेल्या बॅडमिंटन वर्ल्ड टूर फायनलमध्ये ट्रीसा जॉली आणि गायत्री गोपीचंद या भारतीय महिला दुहेरी जोडीनं मलेशियाच्या परली टॅन आणि थिनाह मुरलीधरन या जोडीचा पराभव करून तिसऱ्या फेरीत प्रवेश केला. भारतीय जोडीनं आज दुसऱ्या गटातील सामन्यात मलेशियाचा २१-१९, २१-१९ असा सरळ गेममध्ये पराभव केला. या स्पर्धेत भारताचं प्रतिनिधित्त्व करणारी ट्रीसा आणि गायत्री यांची जोडी ही एकमेव जोडी आहे.

December 12, 2024 8:35 AM December 12, 2024 8:35 AM

महिलांच्या पन्नास षटकांच्या क्रिकेट मालिकेत ऑस्ट्रेलियाचा भारतावर विजय

महिला क्रिकेटमध्ये भारत आणि ऑस्ट्रेलिया यांच्यात काल पर्थ इथे झालेल्या पन्नास षटकांच्या तिसऱ्या आणि अंतिम सामन्यात ऑस्ट्रेलियानं भारताचा 83 धावांनी पराभव करत ही संपूर्ण मालिका जिंकली. 299 धावांच्या लक्ष्याचा पाठलाग करताना भारताचा डाव 45 षटक आणि एका चेंडूत 215 धावांतच आटोपला. भारताकडून स्मृती मंधानाने सर्वाधिक 105 धावा केल्या. अरुंधती रेड्डीनं 4 बळी घेतले. तत्पूर्वी, ॲनाबेल सदरलँडच्या शतकाच्या जोरावर ऑस्ट्रेलियानं 6 गडी गमावून 298 धावा केल्या. ॲनाबेलनं 95 चेंडूत 110 धावा केल्या.

December 11, 2024 10:57 AM December 11, 2024 10:57 AM

कर्णबधीरांच्या स्पर्धांमध्ये ऐतिहासिक कामगिरी केल्याबद्दल भारतीय चमुचं प्रधानमंत्र्यांकडून अभिनंदन

पंतप्रधान नरेंद्र मोदी यांनी क्वालालंपूर इथे झालेल्या १०व्या आशिया पॅसिफिक डेफ गेम्स २०२४ मध्ये, अर्थात कर्णबधीरांच्या स्पर्धांमध्ये ऐतिहासिक कामगिरी केल्याबद्दल भारतीय चमुचं अभिनंदन केलं आहे. 55 पदकं जिंकून देशासाठी अभिमानस्पद काम करणाऱ्या या प्रतिभावान खेळाडूंचं मोदी यांनी कौतुक केलं. या खेळांमधील भारताची आतापर्यंतची ही सर्वोत्तम कामगिरी आहे. संपूर्ण देशाला, विशेषत: खेळाची आवड असलेल्यांना या पराक्रमामुळे प्रेरणा मिळल्याचं मोदी यांनी म्हटलं आहे.

December 9, 2024 10:04 AM December 9, 2024 10:04 AM

विश्व बुद्धिबळ स्पर्धेत भारताच्या डी. गुकेश याची ११व्या फेरीत आघाडी

फिडे जागतिक अजिंक्यपद बुद्धीबळ स्पर्धेत भारताच्या डी. गुकेश यानं ६-५ अशी आघाडी मिळवली आहे. सिंगापूरमध्ये सुरू असलेल्या या स्पर्धेच्या ११ व्या फेरीत काल गुकेशनं गतविजेत्या डिंग लिरेनवर मात केली. या विजयामुळे गुकेशनं सामने बरोबरीत राहण्याची मालिका खंडीत केली असून त्याच्या जगज्जेतेपदाची शक्यता आणखी वाढली आहे. या स्पर्धेतल्या तीन फेऱ्या होणं बाकी आहे.

Social Media Links