नागालँडमध्ये हॉर्नबिल महोत्सवाला सुरुवात

नागालँडची राजधानी कोहिमा इथल्या किसामा इथं आज २६व्या हॉर्नबिल महोत्सवाची सुरुवात झाली. नागालँडचे गव्हर्नर अजय कुमार भल्ला, मुख्यमंत्री नेईफिऊ रिओ यांनी महोत्सवाचा औपचारिक प्रारंभ केला. नागालँडच्या राज्यदिनाबरोबरच सुरू होणाऱ्या या १० दिवसांच्या महोत्सवात विविध नागा समुदाय एकत्र येऊन परंपरा, लोककला, संगीत, कला आणि अन्नसंस्कृतीचा आनंद लुटतात. या महोत्सवात यावर्षी युनायटेड किंगडम, आयर्लंड, फ्रान्स, ऑस्ट्रिया, माल्टा आणि स्वित्झर्लंड हे सहा भागीदार देश आहेत.