हरियाणामध्ये भाजपाची तर जम्मूकाश्मीरमध्ये नॅशनल कॉन्फरन्स आणि काँग्रेस आघाडीची बहुमताकडे वाटचाल

जम्मू आणि काश्मिर तसंच हरियाणा विधानसभा निवडणूकीच्या मतमोजणीला आज सकाळी ८ वाजल्यापासून सुरुवात झाली. जम्मू काश्मीरमधे आतापर्यंत ४० जागांचे निकाल जाहीर झाले असून त्यात १९ ठिकाणी नॅशनल कॉन्फरन्सचे उमेदवार तर १४ जागांवर भाजपा उमेदवार विजयी झाले आहेत. तसंच काँग्रेस उमेदवार २ आणि  पीडीपी उमेदवार २ ठिकाणी विजयी झाले आहेत. माजी मुख्यमंत्री ओमर अब्दुल्ला बडगाम मतदारसंघातून विजयी झाले असून गंदेरबाल मतदारसंघात आघाडीवर आहेत. आतापर्यंत मिळालेल्या कलांनुसार एकूण ९० मतदारसंघांपैकी २२ ठिकाणी नॅशनल कॉन्फरन्स, १...