डाउनलोड करा
मोबाइल ॲप
October 9, 2024 8:11 PM October 9, 2024 8:11 PM
6
हरियाणामध्ये निवडणुकीत मिळालेल्या विजयानंतर भाजपानं सरकार स्थापन करण्यासाठी जोरदार तयारी सुरु केली आहे. प्रचारादरम्यान केंद्रीय गृहमंत्री अमित शाह यांनी नायब सिंग सैनी यांच्या नावाची मुख्यमंत्री पदासाठी शिफारस केली होती. याबाबत बातमीदारांनी विचारलं असता, तो निर्णय पक्ष आणि संसदीय मंडळ घेईल, असं सैनी यांनी सांगितलं.
October 8, 2024 8:09 PM October 8, 2024 8:09 PM
7
हरयाणातलं भाजपाचं यश हा सुशासन आणि विकासाच्या राजकारणाचा विजय असल्याचं प्रधानमंत्री नरेंद्र मोदी यांनी म्हटलं आहे. हरयाणातल्या जनतेच्या आकांक्षा पूर्ण करण्यात कसलीही कसर सोडणार नाही, अशी ग्वाही त्यांनी दिली. या विजयाचं श्रेय समर्पण भावनेनं अथक परिश्रम करणाऱ्या सर्व कार्यकर्त्यांचं असल्याचं प्रधानमंत्री म्हणाले. जम्मू-कश्मीरमधून ३७० वं कलम हटवल्यानंतर पहिल्यांदाच झालेल्या निवडणुकीत मोठ्या प्रमाणात मतदान झालं, आणि तिथल्या जनतेनं लोकशाहीवरचा विश्वास दाखवून दिला, असं प्रधानमंत्र्यांनी म्हटलं...
October 8, 2024 3:54 PM October 8, 2024 3:54 PM
10
हरयाणा विधानसभेच्या निवडणुकीत काँग्रेसचा खोटारडेपणा उघडा पडला, अशी प्रतिक्रीया भाजपा प्रदेशाध्यक्ष चंद्रशेखर बावनकुळे यांनी दिली आहे. देशात २०२९पर्यंत भाजपाचं सरकार असल्याने आता राज्यालाही डबल इंजिन सरकारची गरज असल्याचं हरयाणाच्या आणि जम्मू काश्मीरच्या जनतेला कळून चुकलं आहे. असं ते म्हणाले. महाराष्ट्रातही महायुतीला भरघोस मतं मिळतील आणि डबल इंजिन सरकार येईल, अशी आशा त्यांनी व्यक्त केली.
October 8, 2024 3:45 PM October 8, 2024 3:45 PM
6
जम्मू आणि काश्मिर तसंच हरियाणा विधानसभा निवडणूकीच्या मतमोजणीला आज सकाळी ८ वाजल्यापासून सुरुवात झाली. जम्मू काश्मीरमधे आतापर्यंत ४० जागांचे निकाल जाहीर झाले असून त्यात १९ ठिकाणी नॅशनल कॉन्फरन्सचे उमेदवार तर १४ जागांवर भाजपा उमेदवार विजयी झाले आहेत. तसंच काँग्रेस उमेदवार २ आणि पीडीपी उमेदवार २ ठिकाणी विजयी झाले आहेत. माजी मुख्यमंत्री ओमर अब्दुल्ला बडगाम मतदारसंघातून विजयी झाले असून गंदेरबाल मतदारसंघात आघाडीवर आहेत. आतापर्यंत मिळालेल्या कलांनुसार एकूण ९० मतदारसंघांपैकी २२ ठिकाणी नॅशनल कॉन्फरन्स, १...
October 6, 2024 1:12 PM October 6, 2024 1:12 PM
8
हरियाणा विधानसभा निवडणुकीची मतमोजणी मंगळवारी होणार आहे. हरियाणा विधानसभा निवडणुकीसाठी काल सुमारे ६७ टक्के मतदान झालं. विधानसभेच्या ९० जागांसाठी एकाचं टप्प्यातलं मतदान शांततेत झालं. या निवडणुकीत ८५ वर्षांवरच्या मतदार आणि दिव्यांग व्यक्तींसाठी घरपोच मतदानाची सुविधा उपलब्ध करून देण्यात आली होती. मतदानासाठी वयोवृद्ध मतदारांची संख्या लक्षणीय होती.
October 5, 2024 8:32 PM October 5, 2024 8:32 PM
15
हरयाणा विधानसभेच्या सर्व ९० जागांच्या निवडणुकीसाठी आज शांततेत आणि सुरळीत मतदान झालं. या निवडणुकीसाठी रिंगणात असलेल्या एक हजार ३१ उमेदवारांचे भवितव्य आज मतपेटीत बंद झालं. या निवडणुकीसाठी संध्याकाळी पाच वाजेपर्यंत अंदाजे सरासरी ६१ टक्के मतदानाची नोंद झाली असल्याचं तिथल्या निवडणूक प्रशासनानं कळवलं. आता येत्या मंगळवारी ८ ऑक्टोबरला हरयाणासह, नुकत्याच पार पडलेल्या जम्मू आणि काश्मीर विधानसभेच्या निवडणुकीची मतमोजणी होणार आहे.
October 3, 2024 10:55 AM October 3, 2024 10:55 AM
14
हरयाणातील विधानसभा निवडणुकीचा प्रचार आज संपणार आहे. इथं ९० जागांसाठी शनिवारी एकाच टप्प्यात मतदान होणार आहे. मतमोजणी जम्मू-काश्मीरसह ८ ऑक्टोबरला होणार आहे. दरम्यान, निवडणूक आयोगानं मतदानाच्या दिवशी म्हणजे पाच ऑक्टोबर रोजी संध्याकाळी साडे सहा वाजेपर्यंत मुद्रित माध्यमं, इलेक्ट्रॉनिक मीडिया किंवा इतर कोणत्याही माध्यमातून मतदानोत्तर कल प्रसिद्ध करण्यास बंदी घातली आहे. नियमाचं उल्लंघन करणाऱ्यांना तुरुंगवास आणि दंड होऊ शकतो
September 30, 2024 6:51 PM September 30, 2024 6:51 PM
12
जम्मू काश्मीर विधानसभा निवडणुकीच्या तिसऱ्या आणि शेवटच्या टप्प्यासाठीची तयारी पूर्ण झाली आहे. उद्या सकाळी सात ते सायंकाळी सहा वाजेपर्यंत मतदानाची वेळ असून मतदान सुरळीत आणि शांततेत व्हावं यासाठी चोख सुरक्षा व्यवस्था करण्यात आली आहे. या टप्प्यात उद्या ७ जिल्ह्यातल्या ४० विधानसभा मतदारसंघांसाठी मतदान होईल. ४० जागांपैकी १६ जागा काश्मीर विभागात तर २४ जागा जम्मू विभागात आहेत. या अखेरच्या टप्प्यासाठीचा प्रचार काल संध्याकाळी संपला. या टप्प्यात ३९ लाख १८ हजारांहून अधिक मतदार ४१५ उमेदवारांचं भवितव्य ठरवतील...
September 18, 2024 5:54 PM September 18, 2024 5:54 PM
5
हरयाणा विधानसभा निवडणुकीच्या पार्श्वभूमीवर काँग्रेसचे अध्यक्ष मल्लिकार्जून खरगे यांनी आज नवी दिल्लीत पक्षाचा जाहीरनामा प्रसिद्ध केला. या जाहीरनाम्यात दिलेल्या ७ आश्वासनांची पूर्तता हरयाणामधे काँग्रेसचं सरकार स्थापन झाल्यावर केली जाईल, असं खर्गे यांनी सांगितलं. अंमली पदार्थमुक्त हरयाणा, २५ लाख रुपयांचे मोफत उपचार, पिकांची तात्काळ नुकसान भरपाई, प्रत्येक कुटुंबाला तीनशे युनीट वीज आणि शेतकऱ्यांना किमान आधारभूत दराची कायदेशीर हमी, दोन लाख रोजगार, जुनी पेन्शन योजना पुन्हा लागू करणार, तसंच महिलांना दरम...
September 12, 2024 1:30 PM September 12, 2024 1:30 PM
8
हरियाणातल्या आगामी विधानसभा निडवणुकीसाठी आम आदमी पार्टीने आज दोन याद्या जाहीर केल्या असून यात २२ उमेदवारांच्या नावांचा समावेश आहे. यात प्रेम गर्ग हे पंचकुला मतदारसंघातून, कमल बिसला फतेहबादमधून, केतन शर्मा अंबालामधून आणि धीरज कुंदु दादरी मतदारसंघातून निवडणूक लढवणार आहेत. नूह इथून रबिया किडवई, तर जगधरीमधून आदर्शपाल गुज्जर निवडणूक लढवणार आहेत. तर काल जाहीर केलेल्या पाचव्या यादीत नऊ उमेदवारांच्या नावांची घोषणा केली. यात अनिल रंगा, दलजित सिंह, कौशल शर्मा यांच्या नावांचा समावेश आहे.
गोपनीयता धोरण | कॉपीराइट © 2025 बातम्या ऑन एअर. सर्व हक्क राखीव
शेवटचे अद्यावत: 28th Nov 2025
