GUJRAT | डीडी न्यूज ऑन एअर

May 6, 2025 8:14 PM May 6, 2025 8:14 PM

गुजरातमध्ये वादळी पावसामुळे १४ जणांचा मृत्यू

गुजरातच्या अनेक भागांना आज सलग दुसऱ्या दिवशी वादळी पावसानं झोडपलं. पावसामुळे झालेल्या दुर्घटनांमधे १४ जणांचा मृत्यू झाला. मुख्यतः सौराष्ट्र आणि गुजरातमधल्या ७७ पेक्षा जास्त तालुक्यांमधे आज अवकाळी पावसानं हजेरी लावली. भावनगर जिल्ह्यात महुआ इथं साडेतीन इंचापेक्षा जास्त पाऊस झाला. पुढचे काही दिवस गुजरातमधे मेघगर्जना आणि विजांचा कडकडाट, जोरदार वाऱ्यांसह पाऊस पडण्याची शक्यता असून वाऱ्याचा वेग ताशी ५० ते ६० किलोमीटरपर्यंत असण्याची शक्यता, हवामान विभागानं व्यक्त केली आहे.

April 2, 2025 11:00 AM April 2, 2025 11:00 AM

गुजरात मधे फटक्याच्या कारखान्याला लागलेल्या आगीत 18 जणांचा मृत्यू

गुजरात मधील बनासकांठा जिल्ह्यातील दिसा येथील फटक्याच्या कारखान्याला लागलेल्या आगीत 18 जणांचा मृत्यू झाला असून, अद्यापही 23 जण अडकले असल्याची शक्यता वर्तवण्यात येत आहे. अग्निशमन दलाने आगीवर नियंत्रण मिळवलं असूंन, ढीगऱ्याखाली अडकलेल्या कामगारांना बाहेर काढण्यासाठी बचाव कार्य सुरू आहे. प्रधानमंत्री नरेंद्र मोदी यांनी या दुर्घटनेबद्दल शोक व्यक्त केला असून, राष्ट्रीय मदत निधीतून मृतांच्या कुटुंबीयांना प्रत्येकी 2 लाख तर जखमींच्या कुटुंबीयांना प्रत्येकी 50 हजारांची मदत जाहीर केली आहे. राज्य सरक...

March 3, 2025 7:49 PM March 3, 2025 7:49 PM

वन्यजीवन व्यवस्थापनासाठी पारंपरिक ज्ञान आणि कृत्रिम बुद्धिमत्तेचा अधिक वापर करवा – प्रधानमंत्री

वन्यजीवन व्यवस्थापनासाठी पारंपरिक ज्ञान आणि कृत्रिम बुद्धिमत्तेचा अधिक वापर करावा, असं आवाहन प्रधानमंत्री नरेंद्र मोदी यांनी केलं आहे. गुजरातमधे जुनागढ जिल्ह्यात सासण – गीर इथं राष्ट्रीय वन्यजीवन मंडळाच्या सातवी बैठक प्रधानमंत्र्यांच्या अध्यक्षतेखाली आज झाली. त्यावेळी ते बोलत होते. नदीतल्या डॉल्फिन विषयीचं पहिलं वहिलं सर्वेक्षण त्यांनी प्रकाशित केलं. देशातल्या २८ नद्यांच्या परिसंस्थांचं सर्वेक्षण करुन हा अहवाल तयार केला आहे. आतापर्यंत ६ हजार ३२७ डॉल्फिन आढळले असल्याचं त्यात म्हटलं आहे. डॉल्फिन ...

February 22, 2025 3:25 PM February 22, 2025 3:25 PM

अश्लिल व्हिडिओ व्हायरल केल्याप्रकरणी लातूरमधून एकाला अटक

अश्लिल व्हिडिओ व्हायरल केल्याप्रकरणी गुजरात पोलिसांनी लातूरमधून प्रज्वल तेली नावाच्या एका व्यक्तीला काल ताब्यात घेतलं आहे. गुजरातमधल्या एका रुग्णालयातले महिलांची तपासणी करतानाचे व्हिडिओ व्हायरल झाले आहेत. यातले काही व्हिडिओ हे प्रज्वल यानं समाजमाध्यमांवर अपलोड केल्याचा आरोप आहे. प्रज्वलसह इतर राज्यांतून आणखी दोघांना अटक केली असल्याची माहितीही पोलीसांनी दिली.

February 16, 2025 8:16 PM February 16, 2025 8:16 PM

गुजरातमध्ये आज स्थानिक स्वराज्य संस्थांच्या निवडणुकांसाठी मतदान

गुजरातमध्ये आज स्थानिक स्वराज्य संस्थांच्या निवडणुकांसाठी मतदान झालं. राज्य निवडणूक आयोगाने जाहीर केलेल्या आकडेवारीनुसार, स्थानिक स्वराज्य संस्थांच्या निवडणुकीत एकूण ५ हजार ८४ उमेदवार लढत आहेत. त्यापैकी आज २ हजार ८ जागांसाठी मतदान झालं. याखेरीज १७० जागा आधीच बिनविरोध घोषित करण्यात आल्या आहेत. आज सर्वत्र शांततेत मतदान झालं. मतदारांची गैरसोय होऊ नये, यासाठी निवडणूक आयोगाने मतदान केंद्रांवर विशेष व्यवस्था देखील केली होती. निवडणुकीदरम्यान कायदा आणि सुव्यवस्था राखण्यासाठी १० हजारांहून अधिक पोल...

February 15, 2025 7:09 PM February 15, 2025 7:09 PM

गुजरात आणि राजस्थानमधल्या १४ पायाभूत सुविधा प्रकल्पांशी संबंधीत आढावा बैठक

उद्योग आणि देशांतर्गत व्यापार प्रोत्साहन विभागाने आज गुजरात आणि राजस्थानमधल्या १४ पायाभूत सुविधा प्रकल्पांशी संबंधीत आढावा बैठक घेतली. या बैठकीत या प्रकल्पांना अडथळे ठरत असलेल्या सुमारे २१ समस्यांचा आढावा घेतला घेतला गेला. उद्योग आणि देशांतर्गत व्यापार प्रोत्साहन विभागाचे सचिव अमरदीप भाटिया यांच्या अध्यक्षतेखाली झालेल्या या बैठकीला केंद्रीय मंत्रालये, राज्य सरकारांचे वरिष्ठ अधिकारी आणि प्रकल्प प्रस्तावक उपस्थित होते. प्रकल्प देखरेख गटाच्या माध्यमातून विविध मंत्रालये आणि राज्यसरकारमधला समन्वय वाढ...

February 15, 2025 1:34 PM February 15, 2025 1:34 PM

दाहोद जिल्ह्यात झालेल्या अपघातात 4 जण ठार

गुजरात राज्यातल्या दाहोद जिल्ह्यात आज पहाटे झालेल्या रस्ते अपघातात चार जण जागीच ठार झाले तर सहा जण जखमी झाले आहेत. लिमखेडाजवळ इंदोर-अहमदाबाद महामार्गावर आज पहाटे साधारणपणे पावणे तीन वाजता हा अपघात झाला. प्रयागराज इथल्या महाकुंभावरून हे यात्रेकरू घरी येत असताना पर्यटक व्हॅन रस्त्यात थांबलेल्या ट्रकवर आदळून हा अपघात झाला. मृतांमध्ये एका महिलेचा समावेश आहे. सर्वजण भरूच जिल्ह्यातल्या अंकलेश्वर आणि अहमदाबादच्या ढोलका इथले रहिवासी आहेत. जखमींना रुग्णालयात दाखल करण्यात आलं असून त्यांच्यावर उप...

February 9, 2025 1:16 PM February 9, 2025 1:16 PM

गुजरात मधे वाळू डंपर अंगावर पडल्यानं ३ महिला आणि एका लहान मुलाचा मृत्यू

गुजरातच्या बनासकांठा जिल्ह्यात वाळू घेऊन जाणारा डंपर अंगावर पडल्यानं तीन महिला आणि एका लहान मुलाचा मृत्यू झाला. इथं रस्त्याचं काम सुरू असताना एका अरुंद वाटेवरून जाण्याच्या प्रयत्नात असलेला डंपर उलटला आणि काम करणाऱ्या मजुरांच्या अंगावर पडला. यात मृत्युमुखी पडलेल्यांना क्रेन आणि बुलडोझरनं बाहेर काढून रुग्णालयात नेलं, पण तिथं त्यांना मृत घोषित केल्याची माहिती पोलिसांनी दिली.

November 30, 2024 11:52 AM November 30, 2024 11:52 AM

केंद्रीय माहिती आणि प्रसारण मंत्री अश्विनी वैष्णव आज गुजरात दौऱ्यावर

केंद्रीय माहिती आणि प्रसारण मंत्री अश्विनी वैष्णव आज एक दिवसाच्या गुजरात दौऱ्यावर आहेत. सुरतमधील किम इथं बुलेट ट्रेन ट्रॅक स्लॅब निर्मिती केंद्राला ते भेट देतील. वडोदरा इथल्या प्लासेर इंडिया कारखान्यालाही मंत्री महोदय भेट देतील. त्यानंतर ते वडोदरा इथल्या गति शक्ती विद्यापीठाच्या दुसऱ्या दीक्षांत समारंभाला उपस्थित राहणार आहेत. यावेळी गुजरातचे मुख्यमंत्री भूपेंद्र पटेल उपस्थित राहणार असून समारंभात विविध शाखांतील एकूण 239 विद्यार्थ्यांना पदवी प्रदान करण्यात येणार आहे.

November 1, 2024 10:34 AM November 1, 2024 10:34 AM

अमित शहा यांच्या हस्ते गुजरात मधील ऊर्जा’ निर्मितीच्या सर्वात मोठ्या केंद्राचं उद्घाटन

केंद्रीय गृहमंत्री अमित शहा यांच्या हस्ते आज गुजरात मधील अहमदाबाद इथल्या पिराना मधील 'कचऱ्या पासून ऊर्जा' निर्मितीच्या सर्वात मोठ्या केंद्राचं उद्घाटन होणार आहे. गुजरातचे मुख्यमंत्री भूपेंद्र पटेल याप्रसंगी उपस्थित राहणार आहेत. 375 कोटी रुपये खर्चून बांधण्यात आलेलं हे केंद्र, सार्वजनिक-खाजगी-भागीदारीतून उभारण्यात येत आहे. एक हजार मेट्रिक टन घन कचऱ्यापासून 15 मेगा वाट ऊर्जा निर्मितीची या केंद्राची क्षमता आहे.

Social Media Links