डाउनलोड करा
मोबाइल ॲप
January 17, 2026 1:19 PM
101
गुजरातच्या कच्छ जिल्ह्यात आज पहाटे ४ पूर्णांक १ दशांश रिख्टर स्केलच्या भूकंपाचा धक्का बसला. यात कोणतीही जीवित किंवा वित्तहानी झालेली नाही. या भूकंपाचं केंद्र खावडा इथून ५५ किलोमीटर उत्तर-ईशान्येला असल्याची माहिती गांधीनगरच्या भूकंपशास्त्र संशोधन संस्थेनं दिली.
January 10, 2026 12:08 PM
92
प्रधानमंत्री नरेंद्र मोदी आजपासून तीन दिवसांच्या गुजरात दौऱ्यावर जाणार आहेत. सोमनाथ स्वाभिमान पर्वासह विविध कार्यक्रमांना ते उपस्थित राहणार आहेत. गीर सोमनाथ जिल्ह्यातल्या वेरावल इथं गुरुवारपासून सुरू झालेल्या चार दिवसांच्या सोमनाथ स्वाभिमान पर्वात सोमनाथ मंदिराच्या चिरस्थायी प्रेरणेचं स्मरण केलं जाणार आहे. याशिवाय, या दौऱ्यादरम्यान प्रधानमंत्री मोदी राजकोट इथं व्हायब्रंट गुजरात स्थानिक परिषदेचं उद्घाटन करतील, तर गांधीनगर इथं जर्मनीचे चान्सलर फ्रेडरिच मर्ज यांची भेट घेतील.
November 15, 2025 1:44 PM
97
प्रधानमंत्री नरेंद्र मोदी आज गुजरात दौऱ्यावर आहेत. स्वातंत्र्य सैनिक आणि आदिवासी समुदायाचे नेते भगवान बिरसा मुंडा यांच्या शतकोत्तर सुवर्णमहोत्सवी जयंतीनिमित्त आज आदिवासी गौरव दिवस साजरा होत आहे. यानिमित्ताने नर्मदा जिल्ह्यातल्या देडियापाडा इथं एका कार्यक्रमात प्रधानमंत्री मोदी सहभागी होणार आहेत. ते ९ हजार ७०० कोटी रुपयांहून अधिकच्या विकास योजनांचं भूमिपूजन आणि उद्घाटन करणार आहेत. या विकास योजनांच्या माध्यमातून या भागातल्या आदिवासी समाजाचा विकास आणि पायाभूत सुविधांमध्ये सुधारणा केल्या जाणार आहेत....
November 14, 2025 1:14 PM
94
प्रधानमंत्री नरेंद्र मोदी उद्या गुजरातच्या दौऱ्यावर जाणार आहेत. या दौऱ्यात ते सुरतमधल्या निर्माणाधीन बुलेट ट्रेन स्थानकाची पाहणी करतील. त्यानंतर ते नर्मदा जिल्ह्यातल्या देवमोगरा मंदिरात दर्शन घेऊन पूजा करतील. देदीपाडा इथं धरती आबा भगवान बिरसा मुंडा यांच्या १५०व्या जयंतीनिमित्त आयोजित कार्यक्रमात प्रधानमंत्री भाग घेतील. यावेळी ते ९ हजार ७०० कोटी रुपयांहून अधिक किमतीच्या विविध विकास कामांची पायाभरणी आणि उद्घाटन करतील तसंच उपस्थितांना संबोधित करतील. याशिवाय ते विविध अभियानांतर्गत बांधण्यात ...
October 30, 2025 3:51 PM
160
प्रधानमंत्री नरेंद्र मोदी आजपासून दोन दिवसांच्या गुजरात दौऱ्यावर आहेत. या भेटीदरम्यान, ते आज केवडिया येथील एकता नगरमध्ये एक हजार १४० कोटी रुपयांपेक्षा अधिक खर्चाच्या पायाभूत सुविधा आणि विकास प्रकल्पांचं उद्घाटन आणि पायाभरणी करतील आणि ई-बसना हिरवा झेंडा दाखवतील. प्रधानमंत्र्यांच्या हस्ते दीडशे रुपयांच्या विशेष नाण्याचं आणि टपाल तिकीटाचं प्रकाशनही करण्यात येणार आहे.
October 9, 2025 9:55 AM
109
राष्ट्रपती द्रौपदी मुर्मू आजपासून तीन दिवसांच्या गुजरात दौऱ्यावर जात आहेत. त्या उद्या सोमनाथ मंदिरात दर्शन घेतील. तसंच गीर राष्ट्रीय उद्यानाला भेट देऊन स्थानिक आदिवासी समुदायाशी संवाद साधणार आहेत. शनिवारी त्या द्वारकेमध्ये द्वारकाधीश मंदिराला भेट देणार असून, त्यानंतर गुजरात विद्यापीठाच्या 71व्या पदवी प्रदान समारंभाला उपस्थित राहाणार आहेत.
September 24, 2025 10:37 AM
85
केंद्रीय कृषी मंत्री शिवराजसिंह चौहान यांनी उत्तरप्रदेश आणि गुजरात या दोन राज्यांमधून प्रमुख डाळी आणि तेलबियांच्या खरेदीला मंजुरी दिली आहे. यामध्ये दोन्ही राज्यांमधून उडीद, तूर,मूग या डाळींच्या पूर्ण खरेदी सोबतच तीळ, भुईमूग आणि सोयाबीन या तेलबियांच्या खरेदीलाही मान्यता दिली आहे. त्यासाठी अंदाजे १३ हजार आठशे कोटी रुपये खर्च करण्यात येणार आहेत. ही पूर्ण खरेदी प्रक्रिया पारदर्शक, डिजिटल आणि शेतकऱ्यांना केंद्रस्थानी ठेवून पार पाडण्याची गरज चौहान यांनी काल त्यांच्या अध्यक्षतेखाली दूरस्थ पद्धतीनं झाले...
June 19, 2025 6:53 PM
71
बडोदा संस्थानाचे महाराज सयाजीराव गायकवाड यांचे आणि महाराष्ट्राचे ऋणानुबंध होते. त्यामुळे ऐतिहासिक दस्तऐवजांची देवाणघेवाण आवश्यक असल्यानं गुजरात आणि महाराष्ट्राच्या पुराभिलेखागार यांनी सामंजस्य करार करण्याच्या सूचना सांस्कृतिक कार्य मंत्री अ‍ॅड आशिष शेलार यांनी आज दिले. मंत्रालयात पुराभिलेखागार विभागाच्या बैठकीत ते बोलत होते. बडोद्याचे महाराज सयाजीराव जाधव यांच्या मातोश्री महाराणी जमनाबाई गायकवाड यांचं माहेर सातारा जिल्ह्यात रहिमतपूर इथं आहे. त्या ठिकाणी जमनाबाई यांचं स्मारक उभारण्याची माग...
May 28, 2025 8:18 PM
84
गुजरात राज्य निवडणूक आयोगाने राज्यातील ८ हजार ३२६ गावांमधल्या ग्रामपंचायत निवडणुकांची घोषणा केली आहे. राज्य निवडणूक आयुक्त डॉ. एस. मुरली कृष्णा यांनी आज गांधीनगर इथं वार्ताहर परिषदेत ही घोषणा केली. निवडणुकीची अधिसूचना येत्या २ जून २०२५ रोजी प्रसिद्ध केली जाणार आहे उमेदवारी अर्ज दाखल करण्याची शेवटची तारीख ९ जून असेल तर छाननी १० जून रोजी केली जाईल. उमेदवारी अर्ज ११ जूनपर्यंत मागे घेता येऊ शकतील . तर मतदान येत्या २२ जून रोजी सकाळी ७ ते संध्याकाळी ६ वाजेपर्यंत होईल आणि मतमोजणी २५ जून ला होईल.
April 14, 2025 2:02 PM
85
अरबी समुद्राजवळ भारतीय सागरी सीमेजवळ गुजरात दहशतवाविरोधी पथक आणि भारतीय तटरक्षक दलाने काल पहाटे केलेल्या कारवाईत १ हजार ८०० कोटी रुपये किमतीचे ३०० किलो अमली पदार्थ जप्त करण्यात आले. मुद्देमाल गुजरात एटीएसकडे सोपवण्यात आला असून एटीएस या प्रकरणाची सखोल चौकशी करत आहे. केंद्रीय गृहमंत्री अमित शहा यानी या कारवाईबाबत भारतीय तटरक्षक दल आणि गुजरात पोलिसांचं अभिनंदन केलं आहे. सरकार अमली पदार्थांच्या व्यापाराचं जाळं मूळापासून उखडून टाकत आहे. अमली पदार्थमुक्त भारत करण्याच्या दिशेने हे एक महत्वाच...
गोपनीयता धोरण | कॉपीराइट © 2026 बातम्या ऑन एअर. सर्व हक्क राखीव
शेवटचे अद्यावत: 26th Oct 2026
