डेफलिम्पिक्स नेमबाजी अजिंक्यपद स्पर्धेत भारताची १६ पदकांची कमाई

टोक्यो इथं झालेल्या डेफलिम्पिक्स नेमबाजी अजिंक्यपद स्पर्धेत भारतानं यंदा १६ पदकांची चमकदार कामगिरी केली. यात ७ सुवर्ण, ६ रौप्य आणि ३ कांस्यपदकांचा समावेश आहे. १० दिवस चाललेल्या या स्पर्धेत एकंदर ३९ पदकांपैकी १६ पदकं भारतानं पटकावली. रायफल नेमबाज महित संधू हिनं २ सुवर्ण आणि २ रौप्यपदकांवर नाव कोरलं. तर पिस्तूल नेमबाज अभिनव देशवाल आणि प्रांजली धुमाळ यांनी दोन सुवर्ण आणि एक रौप्यपदक पटकावलं. इतर नेमबाजांनीही उत्तम कामगिरी करत भारताला पदकांची कमाई करून दिली.