दर्यापूर कृषी बाजार समितीत कापूस खरेदीला प्रारंभ

अमरावतीत दर्यापूर कृषी उत्पन्न बाजार समितीत भारतीय कपास निगमतर्फे यंदाच्या हंगामातल्या कापूस खरेदीला आज प्रारंभ झाला. या टप्प्यात १० ते १५ कापूस गाड्यांची आवक बाजार समितीत झाली आहे. यंदा ८ टक्के आर्द्रता असलेल्या कापसाला ८ हजार १० रुपये प्रतिक्विंटल तर १२ टक्के आर्द्रता असलेल्या कापसाला ७ हजार ६८९ रुपये प्रतिक्विंटल इतका दर जाहीर करण्यात आला.