छत्तीसगडमधे सुरक्षा दलांशी झालेल्या चकमकीत ९ माओवादी ठार

छत्तीसगडमधे, आज सुरक्षा दलांशी झालेल्या चकमकीत ९ माओवादी मारले गेले. बस्तर विभागातल्या दंतेवाडा आणि बिजापूर जिल्ह्यांच्या सीमेवर ही चकमक उडाली. या भागात मोठ्या संख्येनं माओवादी असल्याची माहिती सुरक्षादलांना मिळाली होती. त्यानुसार केंद्रीय राखीव पोलीस दल आणि जिल्हा राखीव सुरक्षारक्षकांचं संयुक्त पथक एंद्री गावाजवळ त्या भागात पाठवलं. त्यांची शोधमोहिम सुरु असताना माओवाद्यांशी त्यांची चकमक उडाली. चकमकीनंतर ९ माओवाद्यांचे मृतदेह तसंच काही शस्त्रास्त्र सापडली. शोधमोहिम अजूनही सुरु आहे.