छत्रपती संभाजीनगर महानगरपालिकेची गुंठेवारी नियमितीकरणासाठी ३१ डिसेंबरपर्यंत मुदतवाढ

छत्रपती संभाजीनगर महानगरपालिका क्षेत्रात गुंठेवारी नियमितीकरणासाठी ५० टक्के बेटरमेंट चार्जेस अर्थात विकास आकाराची सवलत ३१ डिसेंबर २०२४ पर्यंत वाढवण्यात आली आहे. या सवलतीची मुदत येत्या ३० तारखेला संपणार होती. मात्र मनपा आयुक्त तथा प्रशासक जी श्रीकांत यांच्या आदेशानुसार २०० चौरस मीटर क्षेत्रफळापर्यंतच्या निवासी वापराच्या भुखंडासाठी ही सवलत ३१ डिसेंबरपर्यंत वाढवण्यात आली आहे. या सवलतीचा लाभ घेऊन संबंधित नागरिकांनी आपलं बांधकाम नियमित करून घेण्याचं आवाहन अतिरिक्त आयुक्त रणजित पाटील यांनी केलं आहे.