अमेरिकेत उत्तर कॅलिफोर्नियाच्या काही भागात भूकंपाचा धक्का

अमेरिकेत काल उत्तर कॅलिफोर्नियाच्या काही भागात भूकंपाचा धक्का जाणवला. रिश्टर स्केलवर या भूकंपाची तीव्रता ७ इतकी होती. या धक्क्यानंतर त्सुनामीची चेतावणी दिल्यामुळे किनारपट्टीवरच्या लोकांना सुरक्षित ठिकाणी हलवण्यात आलं आहे. हम्बोल्ट काऊंटीच्या फेरंडल शहराच्या पश्चिमेला या भूकंपाचं केंद्र होतं असं अमेरिकाच्या भूवैज्ञानिक सर्वेक्षणानं सांगितलं आहे. अद्याप कोणत्याही जीवितहानीचं वृत्त नाही.