Bangladesh | डीडी न्यूज ऑन एअर

September 20, 2024 12:20 PM September 20, 2024 12:20 PM

बांगलादेश : लष्कराला दंडाधिकाऱ्यांचे अधिकार देण्याच्या निर्णयावर बांगलादेशी नॅशनलिस्ट पार्टीची चिंता

लष्कराला दंडाधिकाऱ्यांचे अधिकार देण्याच्या मोहंमद युनूस यांच्या निर्णयावर बांगलादेशी नॅशनलिस्ट पार्टीनं चिंता व्यक्त केली आहे. यामुळे नव्या समस्या निर्माण होतील असं पक्षाचे सरचिटणीस मिर्झा फक्रुल इस्लाम आलमगीर यांनी म्हटल आहे. या निर्णयाचा फेर विचार करण्याचं आवाहन त्यांनी हंगामी सरकारला केलं आहे. प्रशासनाला कायदा आणि सुव्यस्था राखण्यात अपयश आल्याचं यामुळे दिसून येत असल्याचा दावा आलमगीर यांनी केला आहे.

September 19, 2024 7:23 PM September 19, 2024 7:23 PM

भारत आणि बांगलादेश यांच्यातल्या कसोटी क्रिकेट मालिकेत भारताच्या ६ गडी गमावून ३३९ धावा

भारत आणि बांगलादेश यांच्यातल्या कसोटी क्रिकेट मालिकेत आज चेन्नई इथं सुरु झालेल्या पहिल्या सामन्यात दिवसअखेर भारतानं ६ गडी गमावून ३३९ धावा केल्या. आर आश्विननं आज नाबाद शतक झळकावलं. बांगलादेशानं नाणेफेक जिंकून प्रथम क्षेत्ररक्षण करायचा निर्णय घेतला होता. मात्र भारताची सुरुवात खराब झाली. सलामीवीर यशस्वी जैसवालनं ५६ धावा केल्या. पण कर्णधार रोहित शर्मा आणि विराट कोहली प्रत्येकी ६ धावा करुन बाद झाले. तर शुभमन गिल शून्यावर बाद झाला. ऋषभ पंतनं ३९, तर के एल राहुलनं १६ धावा केल्या. भारताची स्थिती ६ बाद १...

September 8, 2024 1:54 PM September 8, 2024 1:54 PM

बांगलादेशाचं ‘आमार शोनार बांग्ला’ हे राष्ट्रगीत बदलण्यात येणार नाही – बांगलादेश हंगामी सरकार

बांगलादेशाचं ‘आमार शोनार बांग्ला’ हे राष्ट्रगीत बदलण्यात येणार नाही, असं बांगलादेशाच्या हंगामी सरकारनं स्पष्ट केलं आहे. मागच्या काही दिवसांपासून राष्ट्रगीत बदलण्याची मागणी देशातल्या कट्टरतावादी संघटनांकडून केली जात आहे. त्या पार्श्वभूमीवर राष्ट्रगीत बदलणार नसल्याचं स्पष्ट करत सरकारनं सुरू झालेल्या चर्चांना पूर्णविराम दिला आहे. बांगलादेश जमात ए इस्लामीचे माजी अमीर गुलाम आजम यांचे पुत्र अब्दुल्लाहिल अमान आजमी यांनी राष्ट्रगीत बदलण्याची मागणी केली होती. या राष्ट्रगीतात बंगालच्या पूर्व आणि पश्चिम अश...

August 28, 2024 6:46 PM August 28, 2024 6:46 PM

बांगलादेशने जमात-ए-इस्लामी आणि इस्लामी छात्र शिबीरवरील बंदी उठवली

बांगलादेश मध्ये, मुहम्मद युनूस यांच्या हंंगामी सरकारनं आज जमात-ए-इस्लामी आणि इस्लामी छात्र शिबीर या विद्यार्थी संघटनेवरची बंदी उठवली आहे. बांगलादेशच्या गृह मंत्रालयाने यासंदर्भात अधिसूचना जारी केली आहे. जमात-ए-इस्लामी आणि इस्लामी छात्र शिबीर यांचा दहशतवाद आणि हिंसाचारात सहभाग असल्याचा कोणताही ठोस पुरावा नसल्याचा उल्लेख या अधिसूचनेत करण्यात आला आहे. म्हणून, दहशतवाद विरोधी कायदा, २००९ च्या कलम १८ द्वारे प्रदान केलेल्या अधिकारांतर्गत, सरकारनं जमात, शिबीर आणि त्याच्या प्रमुख संघटनांवर बंदी घालणारं प...

August 28, 2024 3:41 PM August 28, 2024 3:41 PM

बांगलादेशामध्ये अल्पसंख्य हिंदूंवर अत्याचारांच्या विरोधात धाराशिव शहरात मोर्चाचं आयोजन

बांगलादेशामध्ये अल्पसंख्य हिंदूंवर अत्याचारांच्या विरोधात धाराशिव शहरात मोर्चाचं आयोजन करण्यात आलं होतं. या मोर्चात अनेक लोक सहभाग झाले होते. शहरातल्या मुख्य मार्गावरून हा मोर्चा जिल्हाधिकारी कार्यालयापर्यंत काढण्यात आला. बांगलादेशातले अत्याचार थांबावेत यासाठी केंद्र सरकारने प्रयत्न करावेत अशी मागणी करण्यात आली. तसंच छत्रपती शिवाजी महाराजांच्या पुतळ्याची दुर्घटना घडली त्या संदर्भातही मोर्चेकऱ्यांनी निवेदन दिलं.

August 27, 2024 9:28 AM August 27, 2024 9:28 AM

प्रधानमंत्री नरेंद्र मोदी आणि अमेरिकेचे अध्यक्ष ज्यो बायडन यांच्यात युक्रेन आणि बांगलादेशातल्या परिस्थितीवर चर्चा

प्रधानमंत्री नरेंद्र मोदी यांनी काल अमेरिकेचे अध्यक्ष ज्यो बायडन यांच्याशी युक्रेनमधील स्थितीसह प्रादेशिक आणि जागतिक मुद्द्यांवर चर्चा केली. ज्यो बायडन यांनी भारत-अमेरिका सर्वंकष जागतिक भागीदारीसाठी दाखवलेल्या बांधिलकीबद्दल प्रधानमंत्री मोदींनी यावेळी त्यांची प्रशंसा केली. उभय देशांमधली ही भागीदारी लोकशाही, कायद्याचं राज्य या समान मूल्यांवर आणि दोन्ही देशांच्या नागरिकांमध्ये असलेल्या परस्पर दृढ संबंधांवर आधारित आहे. या चर्चेवेळी मोदी आणि बायडन यांनी द्विपक्षी संबंधांमध्ये झालेल्या लक्षणीय प्रगती...

August 25, 2024 8:23 PM August 25, 2024 8:23 PM

बांगलादेश : नॅशनलिस्ट पार्टीचे सरचिटणीस यांनी हंगामी सरकारकडून निवडणुकांचं नियोजन मागवलं

बांगलादेश नॅशनलिस्ट पार्टीचे सरचिटणीस मिर्झा फखरुल इस्लाम आलमगीर यांनी हंगामी सरकारकडून शक्य तितक्या लवकर निवडणुका घेण्यासाठी नियोजन मागवलं आहे. प्राध्यापक युनुस यांच्या नेतृत्वाखालच्या हंगामी सरकारने अद्याप राजकीय पक्षांशी या संबंधी संवाद साधलेला नसल्याबद्दल मिर्झा यांनी काल ढाका इथं असंतोष व्यक्त केला.

August 23, 2024 3:43 PM August 23, 2024 3:43 PM

बांगलादेशात हिंदूंवर होणाऱ्या अत्याचारांच्या निषेधार्थ कोल्हापूरमध्ये हिंदुत्ववादी संघटनांकडून बंद

बांगलादेशात हिंदूंवर होणाऱ्या अत्याचारांच्या निषेधार्थ आज कोल्हापूरमध्ये हिंदुत्ववादी संघटनांनी बंद पुकारला आहे. शहरातली बहुतांश दुकानं, शाळा-महाविद्यालयं बंद असल्याचं आमच्या वार्ताहरानं कळवलं आहे. शहर परिवहन उपक्रमासाह खासगी वाहतूक व्यवस्थाही बंद असल्यानं कामासाठी जाणाऱ्या नागरिकांना पायपीट करावी लागली. भाऊसिंगजी रोड, दसरा चौक, पापाची तिकटी या परिसरात घोषणा देणाऱ्या हिंदुत्ववादी संघटनाच्या कार्यकर्त्यांना पोलिसांनी ताब्यात घेतलं. घोषणाबाजीमुळे काही काळ तणावाचं वातावरण होतं.

August 16, 2024 8:42 PM August 16, 2024 8:42 PM

बांगलादेशातल्या हिंदूंना संरक्षण देण्याची महम्मद युनूस यांची प्रधानमंत्री मोदी यांना ग्वाही

बांगलादेशातल्या हिंदू आणि सर्व अल्पसंख्य़ांकांना संरक्षण दिलं जाईल, अशी ग्वाही बांगलादेशाच्या हंगामी सरकारचे मुख्य सल्लागार महम्मद युनूस यांनी दिली आहे. त्यांनी आज प्रधानमंत्री नरेंद्र मोदी यांच्याशी दूरध्वनीवरुन संवाद साधला, आणि सद्य स्थितीबाबत चर्चा केली. आपापल्या राष्ट्रीय प्राधान्यांच्या अनुषंगानं उभयपक्षी संबंध पुढं नेण्याच्या मार्गांबाबत दोन्ही नेत्यांनी चर्चा केली. लोकशाहीवादी, स्थिर, शांततापूर्ण, आणि प्रागतिक बांगला देशासाठी भारताचा पाठिंबा कायम राहील, असं मोदी यांनी सांगितलं.

August 16, 2024 7:19 PM August 16, 2024 7:19 PM

बांग्लादेशातील अत्याचारांच्या विरोधात पुकारलेल्या बंदला राज्यात हिंसक वळण

बांगलादेशात होत असलेल्या अत्याचाराच्या विरोधात राज्यात काही धार्मिक संघटनांनी बंद पुकारला होता. त्याला काही ठिकाणी हिंसक वळण लागलं. नाशिकमध्ये काही दुकानदारांनी बंदला विरोध केल्यानंतर दुकान बंद करण्यावरुन दोन गटात वाद झाला. यावेळी आंदोलकांनी काही दुकानांची तोडफोड केली. यावेळी झालेल्या दगडफेकीत दोन पोलिसांसह काही जण जखमी झाले. पोलिसांनी अश्रुधूराचा वापर करुन परिस्थिती नियंत्रणात आणली. सध्या नाशिक शहरात तणावपूर्ण शांतता असून संवेदनशील भागात कडेकोट पोलीस बंदोबस्त तैनात करण्यात आला आहे. &nbsp...

Social Media Links