Badminton | डीडी न्यूज ऑन एअर

December 13, 2025 8:44 PM December 13, 2025 8:44 PM

ओदिशा मास्टर्स बॅडमिंटन स्पर्धेत उन्नती हुडा आणि इशाराणी बरुआची अंतिम फेरीत धडक

ओदिशा मास्टर्स बॅडमिंटन स्पर्धेत भारताच्या उन्नती हुडा आणि इशाराणी बरुआ या दोघांनी अंतिम फेरीत धडक मारल्यानं भारताचं सुवर्णपदक निश्चित झालं आहे. आज झालेल्या उपांत्य सामन्यात उन्नती हिनं तसनीम मीर हिच्यावर १८-२१, २१-१६, २१-१६ असा विजय मिळवला, तर दुसऱ्या सामन्यात इशाराणीनं तन्वी हिरेमठ हिच्यावर १८-२१, २१-७, २१-७ अशी मात केली. पुरुष एकेरीत किरन जॉर्ज यानं रौनक चौहानवर २१-१९, ८-२१, २१-१८ असा विजय मिळवून अंतिम फेरी गाठली. आता त्याचा अंतिम सामना इंडोनेशियाच्या मुहम्मद युसुफ याच्याशी होणार आहे.

November 30, 2025 6:30 PM November 30, 2025 6:30 PM

सय्यद मोदी आंतरराष्ट्रीय बॅडमिंटन स्पर्धेच्या अंतिम फेरीत किदंबी श्रीकांतचा सामना हाँगकाँगच्या जेसन गुनावन बरोबर

सय्यद मोदी आंतरराष्ट्रीय सुपर 300 बॅडमिंटनचा अंतिम फेरीचा सामना आज लखनौ इथं बाबू बनारसीदास इनडोअर स्टेडियम इथे होईल. अंतिम फेरीत भारताचा बॅडमिंटनपटू किदंबी श्रीकांत आणि हाँगकाँगचा जेसन गुनावन यांच्यामध्ये सामना रंगेल. महिला दुहेरीत गायत्री गोपीचंद आणि ट्रीसा जॉली यांची लढत जपानच्या कोहो ओसावा आणि माई तानाबे यांच्याबरोबर होईल.

November 22, 2025 3:25 PM November 22, 2025 3:25 PM

ऑस्ट्रेलियन खुल्या बॅडमिंटन स्पर्धेत लक्ष्य सेनची अंतिम फेरीत धडक

ऑस्ट्रेलियन खुल्या बॅडमिंटन स्पर्धेत भारताच्या लक्ष्य सेननं पुरुष एकेरीच्या अंतिम फेरीत प्रवेश केला आहे. सिडनी इथं आज झालेल्या उपांत्य सामन्यात त्यानं तैवानच्या चाऊ तिएन-चेन ला १७-२१, २४-२२, २१-१६ असं हरवलं. जागतिक क्रमवारीत चाऊ तिएन चेन दुसऱ्या तर लक्ष्य सेन सातव्या स्थानावर आहे.

November 21, 2025 3:32 PM November 21, 2025 3:32 PM

बॅडमिंटनपटू लक्ष्य सेन ऑस्ट्रेलियन खुल्या बॅडमिंटन स्पर्धेच्या उपान्त्य फेरीत दाखल

भारतीय बॅडमिंटनपटू लक्ष्य सेन ऑस्ट्रेलियन खुल्या बॅडमिंटन स्पर्धेच्या पुरुष एकेरी गटात उपान्त्य फेरीत पोहोचला आहे. उपान्त्यपूर्व फेरीत त्याने भारताच्याच आयुष शेट्टीचा २३-२१, २१-११ असा पराभव केला. उपान्त्य फेरीत लक्ष्यचा सामना चिनी तैपेईचा चाऊ-तिएन-चेन बरोबर होईल. जागतिक क्रमवारीत चाऊ दुसऱ्या तर लक्ष्य सेन सातव्या स्थानावर आहे. पुरुष दुहेरीतली अग्रमानांकित जोडी सात्विक साईराज रंकीरेड्डी आणि चिराग शेट्टी यांना उपान्त्यपूर्व फेरीत इंडोनेशियाच्या जोडीकडून पराभव पत्करावा लागला. एच. ए...

October 26, 2025 7:53 PM October 26, 2025 7:53 PM

Badminton U17 & U15: भारताची दोन सुवर्ण आणि एकेा रौप्य पदकाची कमाई

चीनमध्ये चेंगडू इथं झालेल्या बॅडमिंटन एशिया अजिंक्यपद स्पर्धेत भारतानं मुलींच्या कनिष्ठ गटात एकेरीमधली दोन सुवर्णपदकं, आणि एक रौप्य पदक पटकावलं. १५ वर्षांखालच्या गटात शायना मणिमुथू हीनं जपानच्या चिहारू टोमिता हिला २१-१४, २२-२० असं नमवलं. १७ वर्षांखालच्या गटात दीक्षा सुधाकर हीनं अंतिम फेरीत भारताच्याच लक्ष्या राजेश हिला २१-१६, २१-९ असं हरवून सुवर्णपदक जिंकलं, तर लक्ष्या हिला रौप्य पदकावर समाधान मानावं लागलं. बॅडमिंटन एशियामधली ही या दोन्ही वयोगटांमधली भारताची आतापर्यंतची सर्वोत्तम कामगिरी ठरली आह...

भारताच्या सात्त्विकसाईराज रांकीरेड्डी आणि चिराग शेट्टी या जोडीचा उपांत्य फेरीचा सामना जपानच्या ताकुरो होकी आणि युगो कोबायाशी या जोडीशी होणार

October 18, 2025 1:38 PM October 18, 2025 1:38 PM

183

भारताच्या सात्त्विकसाईराज रांकीरेड्डी आणि चिराग शेट्टी या जोडीचा उपांत्य फेरीचा सामना जपानच्या ताकुरो होकी आणि युगो कोबायाशी या जोडीशी होणार

डेन्मार्क खुल्या बॅडमिंटन स्पर्धेच्या पुरुष दुहेरीत आज दुपारी भारताच्या सात्त्विकसाईराज रांकीरेड्डी आणि चिराग शेट्टी या जोडीचा उपांत्य फेरीचा सामना जपानच्या ताकुरो होकी आणि युगो कोबायाशी या जोडीशी होणार आहे. काल रात्री झालेल्या उपांत्यपूर्व फेरीच्या सामन्यात सात्त्विक-चिराग जोडीनं इंडोनेशियाच्या जोडीवर २१-१५, १८-२१, २१-१६ अशी मात करून उपांत्य फेरीत धडक मारली. पुरुष एकेरीत मात्र लक्ष्य सेनला फ्रान्सच्या ॲलेक्स लॅनिएर याच्याकडून ९-२१, १४-२१ असा पराभव पत्करावा लागला.

October 5, 2025 8:20 PM October 5, 2025 8:20 PM

अल ऐन मास्टर्स २०२५ बॅडमिंटन स्पर्धेत भारतीय खेळाडूंनी पटकावलं विजेतेपद

अबू धाबी इथं सुरू असलेल्या अल ऐन मास्टर्स २०२५ बॅडमिंटन स्पर्धेत भारताची उदयोन्मुख महिला बॅडमिंटनपटू श्रियान्शी वलिशेट्टी हिनं महिला एकेरीचं, तर हरिहरन अम्साकरुणन आणि अर्जुन मादथिल रामचंद्रन जोडीनं, पुरुष दुहेरीचं विजेतेपद पटकावलं आहे. अंतिम फेरीत श्रियान्शीनं भारताच्याच तसनीम हिचा १५-२१, २२-२०,२२-२० असा ३ गेम्समध्ये पराभव केला. तर, पुरुष दुहेरीच्या अंतिम फेरीत हरिहरन अम्साकरुणन आणि अर्जुन मादथिल रामचंद्रन जोडीनं इंडोनेशियाच्या रेमंड इंद्रा आणि निकोलस जोक्विन जोडीला, २१-१७, २१-१८ असं हरवलं.

September 21, 2025 2:38 PM September 21, 2025 2:38 PM

चीन मास्टर्स बॅडमिंटन स्पर्धेत भारताच्या सात्विकसाईराज रांकीरेड्डी आणि चिराग शेट्टी या जोडीचा अंतिम फेरीत प्रवेश

चीन मास्टर्स बॅडमिंटन स्पर्धेत भारताच्या सात्विकसाईराज रांकीरेड्डी आणि चिराग शेट्टी या जोडीचा अंतिम फेरीत प्रवेश / आज सामना कोरियाशी चीन मास्टर्स बॅडमिंटन स्पर्धेत भारताच्या सात्विकसाईराज रांकीरेड्डी आणि चिराग शेट्टी या जोडीनं पुरुष दुहेरीच्या अंतिम फेरीत धडक मारली आहे. चीनमधे शेनझेन इथं, आज दुपारी होणाऱ्या अंतिम सामन्यात त्यांची लढत, कोरियन जोडीशी होणार आहे. किम वोन हो आणि सेओ सेऊंग जे ही कोरियन जोडी जागतिक क्रमवारीत अव्वल स्थानी असून विश्वविजेती देखील आहे. उपान्त्य फेरीत त्यांनी मलेशियाची ऑलिं...

September 13, 2025 8:35 PM September 13, 2025 8:35 PM

Hong kong Open: सात्विकसाईराज रंकीरेड्डी आणि चिराग शेट्टी जोडी अंतिम फेरीत

हाँगकाँग खुल्या बॅडमिंटन स्पर्धेत सात्विकसाईराज रंकीरेड्डी आणि चिराग शेट्टी जोडीनं अंतिम फेरी गाठली आहे. आज सकाळी उपान्त्य फेरीत या जोडीनं चीन ताइपेच्या चेन चेंग कुआन आणि लिन बिंग वेई जोडीचा २१-१७, २१-१५ असा सरळ सेटमध्ये पराभव केला. अंतिम लढतीत सात्विक आणि चिराग यांचा सामना लिआँग वेई केंग आणि वांग चेंग जोडीशी होणार आहे. पुरुष एकेरीच्या उपान्त्य फेरीत आज संध्याकाळी लक्ष्य सेनची लढत चीन ताइपेच्या चोऊ तिएन चेनशी होणार आहे. लक्ष्यने काल उपान्त्यपूर्व सामन्यात भारताच्याच आयुष शेट्टीला ...

August 28, 2025 3:29 PM August 28, 2025 3:29 PM

पॅरिसमध्ये सुरु बॅडमिंटन जागतिक अजिंक्यपद स्पर्धेत भारतीय खेळाडूंचं अंतिम १६ मध्ये स्थान

पॅरिसमध्ये सुरु बॅडमिंटन जागतिक अजिंक्यपद स्पर्धेत पुरुष दुहेरीत भारताच्या सात्विकसाईराज रांकीरेड्डी आणि चिराग शेट्टी आणि ऑलिंपिक पदक विजेती पीव्ही सिंधू यांनी काल अंतिम १६ मध्ये स्थान मिळवलं. सात्विक आणि चिराग या भारतीय जोडीने चिनी तैपेईच्या लिऊ कुआंग हेंग आणि यांग पो हान यांचा पराभव केला. महिला एकेरीत पीव्ही सिंधूने मलेशियाच्या करुपथेवन लेत्शाना हिचा पराभव केला. मिश्र दुहेरीत, भारताच्या ध्रुव कपिला आणि तनिषा क्रॅस्टो यांनी आयर्लंडच्या जोशुआ मॅगी आणि मोया रायन यांचा पराभव करून शेवटच्या १...

Social Media Links