नवी दिल्ली | डीडी न्यूज ऑन एअर

April 15, 2025 3:37 PM April 15, 2025 3:37 PM

राष्ट्रीय महामार्ग सर्वोत्तम पुरस्कार आज करण्यात येणार प्रदान

केंद्रसरकारच्या वतीने देण्यात येणारे राष्ट्रीय महामार्ग सर्वोत्तम पुरस्कार आज नवी दिल्लीत प्रदान करण्यात येणार आहेत. राष्ट्रीय महामार्ग बांधण्यात तसच त्याची कायम गुणवत्ता राखून देखभाल करताना उत्तम कामगिरी करणाऱ्या व्यावसायिक संस्था आणि व्यक्तींना या पुरस्काराने गौरवण्यात येणार आहे . तसच या निमित्ताने दिवसभर विविध चर्चासत्र आणि परिसंवाद आयोजित करण्यात आले असून, त्यात महामार्ग बांधणीत आलेले नवे तंत्रज्ञान, डोंगराळ भागात महामार्ग बांधण्याची आव्हाने तसच जागतिक स्तरावरील महामार्ग बांधणीची गुणवत्ता आण...

February 11, 2025 2:04 PM February 11, 2025 2:04 PM

विधिमंडळ कार्यपद्धती प्रशिक्षणाचा आज समारोप

महाराष्ट्र विधीमंडळात प्रथमच निवडून आलेल्या सदस्यांसाठी नवी दिल्लीत संसद परिसरात विधिमंडळ कार्यपद्धती प्रशिक्षण कार्यक्रमाचं आयोजन करण्यात आलं आहे; या कार्यक्रमाचं उद्घाटन काल लोकसभेचे सभापती ओम बिरला यांच्या हस्ते झालं. राज्य विधीमंडळाच्या सदस्यांनी शून्य तास, प्रश्नोत्तर तास यांसारख्या संसदीय प्रक्रिया प्रभावीपणे वापराव्यात आणि सभागृहात सक्रिय सहभाग घ्यावा, असं आवाहन बिर्ला यांनी यावेळी केलं. या प्रशिक्षणाचा समारोप आज महाराष्ट्र विधान परिषदेच्या उपसभापती डॉ. नीलम गोऱ्हे यांच्या उपस्थितीत होणार...

February 11, 2025 1:37 PM February 11, 2025 1:37 PM

सायबर गुन्हेगारीला आळा घालण्यासाठी केंद्रसरकार चौफेर प्रयत्न करीत असल्याचं केंद्रीय गृहमंत्र्यांचं प्रतिपादन

सायबर गुन्हेगारीला आळा घालण्यासाठी केंद्र सरकार चौफेर प्रयत्न करत असल्याचं प्रतिपादन केंद्रीय गृहमंत्री अमित शहा यांनी आज केलं. नवी दिल्ली इथे सायबर सुरक्षा आणि सायबर गुन्हे या विषयावर गृहमंत्रालयाच्या संसदीय सल्लागार समितीच्या बैठकीत ते बोलत होते. सायबर गुन्ह्यांनी भौगोलिक सीमा पुसून टाकल्या असून त्यांना आळा घालण्यासाठी केंद्र सरकार अभिसरण, समन्वय, संवाद आणि क्षमता यांच्यावर भर देत असल्याचं शहा यावेळी म्हणाले. प्रधानमंत्री नरेंद्र मोदी यांच्या नेतृत्वाखाली देश डिजिटल क्रांतीचा साक्षीदार ...

February 7, 2025 2:17 PM February 7, 2025 2:17 PM

आर्थिक नियोजन आणि काटकसरीला प्राधान्य देताना कार्यक्षमतेत तडजोड होणार नाही याकडे लक्ष द्यावं – उपराष्ट्रपती

आर्थिक नियोजन आणि काटकसरीला प्राधान्य देताना कार्यक्षमतेत तडजोड होणार नाही याकडे लक्ष द्यावं असं उपराष्ट्रपती जगदीप धनखड यांनी सांगितलं आहे. भारतीय संरक्षण दल लेखा सेवेच्या नवनियुक्त अधिकाऱ्यांना काल नवी दिल्ली इथं ते संबोधित करत होते. सरकारी नोकरीत कायद्याचा आणि प्रामाणिकपणाचा मार्ग सर्वात सुरक्षित असल्याचं ते म्हणाले. सेवानिवृत्त सैनिकांच्या निवृत्तीवेतनाचं वितरण करताना सहानुभूतीचं धोरण ठेवावं, असा सल्ला त्यांनी या परिविक्षाधीन अधिकाऱ्यांना दिला.

October 15, 2024 10:04 AM October 15, 2024 10:04 AM

केंद्रीय गृहमंत्री आज नवी दिल्लीत भारतीय पोलीस सेवेतील प्रशिक्षणार्थीं अधिकाऱ्यांशी साधणार संवाद

केंद्रीय गृहमंत्री अमित शहा आज नवी दिल्लीत भारतीय पोलीस सेवेतील प्रशिक्षणार्थीं अधिकाऱ्यांशी संवाद साधणार आहेत. हे प्रशिक्षणार्थी अधिकारी त्यांचे प्रशिक्षण काळातील अनुभव गृहमंत्र्यांना सांगणार आहेत. तर देशाच्या अंतर्गत सुरक्षेपुढील आव्हानांना कशाप्रकारे तोंड देता येईल याचं अमित शहा त्यांना मार्गदर्शन करतील. भारतीय पोलीस सेवेच्या 2023 च्या तुकडीत 54 महिला अधिकाऱ्यांसह एकंदर 188 अधिकाऱ्यांचा समावेश आहे.

October 9, 2024 2:31 PM October 9, 2024 2:31 PM

देशाचे नियंत्रक आणि महालेखापाल गिरीशचंद्र मुर्मू यांनी काल सर्व राज्यांच्या वित्तसचिवांची नवी दिल्लीत घेतली बैठक

देशाचे नियंत्रक आणि महालेखापाल गिरीशचंद्र मुर्मू यांनी काल सर्व राज्यांच्या वित्तसचिवांची बैठक नवी दिल्लीत घेतली. केंद्र तसंच राज्य सरकारांच्या खर्चाच्या उद्दिष्ट आणि विनियोजनात ताळमेळ घालण्याची आवश्यकता असल्याचं मुर्मू यांनी बैठकीत सांगितलं. दर महिन्याचे लेखा अहवाल सादर करण्याची मुदत पुढच्या महिन्याच्या १० तारखेऐवजी चालू महिन्याच्या २५ तारखेपर्यंत अलिकडे आणावी असं त्यांनी सुचवलं. कॅगच्या कामाचं जाळं वाढवणं, तसंच सरकारी खर्चाविषयी राज्यसरकारांशी संपर्क वाढवण्याच्या हेतूने ही बैठक घेण्यात आली.

July 25, 2024 1:46 PM July 25, 2024 1:46 PM

विरोधकांनी जनादेशाचा अपमान केल्याची संसदीय कामकाज मंत्री किरेन रिजिजू यांची टीका

विरोधी पक्षाच्या नेत्यांनी देशानं दिलेल्या जनादेशाचा अपमान केल्याची टीका संसदीय कामकाज मंत्री किरेन रिजिजू यांनी आज केली. ते आज नवी दिल्ली इथं वार्ताहर परिषदेला संबोधित करत होते. अर्थसंकल्पावर अर्थपूर्ण चर्चा अपेक्षित असून, काही पक्षांच्या नेत्यांनी केलेल्या वक्तव्यामुळे सभागृहाच्या प्रतिष्ठेला बाधा पोहोचल्याचं ते यावेळी म्हणाले. विरोधी पक्षांनी अर्थसंकल्पावर कोणतंही भाष्य न करता, केवळ राजकारण केल्याचा आरोप त्यांनी केला.

July 13, 2024 10:18 AM July 13, 2024 10:18 AM

जे पी नड्डा यांनी घेतला आयुष्यमान भारत डिजिटल अभियानाचा आढावा

केंद्रीय आरोग्य मंत्री जे पी नड्डा यांनी काल नवी दिल्ली इथं राष्ट्रीय आरोग्य प्राधिकरणाच्या वरिष्ठ अधिकाऱ्यांशी झालेल्या बैठकीत आयुष्यमान भारत प्रधान मंत्री जन आरोग्य योजनेचा आयुष्यमान भारत डिजिटल अभियानाचा आढावा घेतला. नड्डा म्हणाले कीं, या दोन्ही योजना आपापली उद्दिष्टे यशस्वीरीत्या पूर्ण करत आहेत. या योजनेअंतर्गत आतापर्यंत 34 कोटीहीन अधिक आयुष्यमान कार्डाचं वाटप आणि 7 कोटी 35 लाखाहून अधिक रुग्णांना रुग्णालयात भरती होण्याची सुविधा पुरविण्यात आली असल्याचं त्यांनी नमूद केलं. अशाप्रकारे एक लाख कोट...

July 11, 2024 2:55 PM July 11, 2024 2:55 PM

आगामी केंद्रीय अर्थसंकल्पाबाबत प्रधानमंत्री नरेंद्र मोदी यांची देशातल्या नामांकित अर्थतज्ज्ञांशी चर्चा

प्रधानमंत्री नरेंद्र मोदी आज नवी दिल्लीत देशातल्या नामांकित अर्थतज्ज्ञांशी संवाद साधत आहेत. आगामी केंद्रीय अर्थसंकल्पाबाबत ते या अर्थज्ज्ञांची मतं आणि सूचना जाणून घेत आहेत. केंद्रीय अर्थमंत्री निर्मला सितारामन नीती आयोगाचे उपाध्यक्ष सुमन बेरी आणि इतर सदस्यही या बैठकीत उपस्थित आहेत. संसदेचं अर्थसंकल्पीय अधिवेशन २२ जुलैपासून सुरू होणार असून, केंद्रीय अर्थमंत्री निर्मला सीतारामन २३ जुलैला अर्थसंकल्प सादर करणार आहेत. मोदी यांच्या तिसऱ्या कार्यकाळातला हा पहिलाच अर्थसंकल्प असणार आहे.

June 18, 2024 2:43 PM June 18, 2024 2:43 PM

अजित डोवाल यांची अमेरिकेचे राष्ट्रीय सुरक्षा सल्लागार जॅक सुलीवन यांच्यासोबत बैठक

राष्ट्रीय सुरक्षा सल्लागार अजित डोवाल यांनी अमेरिकेचे राष्ट्रीय सुरक्षा सल्लागार जॅक सुलीवन यांच्यासोबत काल नवी दिल्लीत बैठक घेतली. यावेळी डोवाल आणि सुलीवन यांनी भारत आणि अमेरिका यांच्यात गंभीर आणि उदयोन्मुख तंत्रज्ञानात धोरणात्मक भागीदारी वाढवण्याबाबत चर्चा झाली. सह-उत्पादन, सह-विकास आणि संशोधन आणि विकासाच्या संधींवर लक्ष केंद्रित करण्याचं उद्दिष्ट असल्याचे अमेरिकेनं म्हटलं आहे. या बैठकीत समविचारी देशांसोबत समन्वय वाढवून तंत्रज्ञानाच्या उदयोन्मुख क्षेत्रात सहकार्य वाढवण्याची वचनबद्धता दोन्ही दे...

Social Media Links