दूध आणि दुधाची उत्पादनं यांच्या सर्व पाकिटांवरील A1 आणि A2 दावे काढून टाकण्याचे FSSAI चे आदेश

ए-वन आणि ए-2 प्रकारचं दूध आणि दुधाची उत्पादनं यांच्या सर्व पाकिटांवरील सर्व दावे तत्काळ काढून टाकावेत असा आदेश भारतीय अन्न सुरक्षितता आणि मानक प्राधिकरणानं दिला आहे. अन्न व्यवसाय कंपन्या FSSAI च्या परवाना क्रमांकाखाली दुध आणि दुधाची उत्पादनं ए-वन आणि ए-2 वर्गीकरणात विकत असल्यामुळं हा आदेश देण्यात आला आहे. दुधाचं ए-वन आणि ए-2 वर्गीकरण प्रथिनाच्या संरचनेतील फरकाशी निगडीत आहे त्यामुळे ए-2 चे कोणतेही दावे दिशाभूल करणारे आणि कायदेबाह्य असल्याचं प्राधिकरणानं स्पष्ट केलं आहे.