स्वच्छतेचं महत्त्व सर्वांच्या मनावर ठसवण्यासाठी सुरु झालेल्या स्वच्छता ही सेवा या अभियानात आत्तापर्यंत देशभरातले दीड कोटीपेक्षा जास्त नागरिक सहभागी झाले आहेत. केंद्रीय आवास आणि शहरी विकास मंत्रालयाच्या आकडेवारीनुसार या अभियानांतर्गत आत्तापर्यंत देशात ११ लाखापेक्षा जास्त ठिकाणं ठरवून दिली असून यापैकी जवळपास अडीच लाख ठिकाणांची स्वच्छता करण्यात आली आहे. या अभियानांतर्गत विविध ठिकाणी अनेक कार्यक्रम, उपक्रमांचं आयोजन करण्यात आलं आहे.