मथुरेतल्या वादग्रस्त मशिदीच्या सर्वेक्षणाला दिलेली स्थगिती सर्वोच्च न्यायालयाने पुढच्या सुनावणीपर्यंत म्हणजेच येत्या १ एप्रिलपर्यंत वाढवली आहे. मथुरेत श्री कृष्णजन्मभूमी-शाही ईदगाह मशिदीच्या वादासंदर्भात मथुरा न्यायालयातली प्रकरणं उच्च न्यायालयात वर्ग करण्याचा तसंच वादग्रस्त परिसराच्या परीक्षणासाठी विशेष आयुक्त नेमण्याचा आदेश अलाहाबाद उच्च न्यायालयाने दिला होता. मशीद कमिटीने त्याला सर्वोच्च न्यायालयात आव्हान दिलं असून आदेशाला सर्वोच्च न्यायालयाने स्थगिती दिली आहे.