स्वीडिश खुल्या टेनिस स्पर्धेत भारताच्या सुमित नागलला आज सरळ सेट्समधे पराभूत झाल्यानं स्पर्धेतून बाहेर पडावं लागलं. पुरुष एकेरीच्या उप-उपांत्यपूर्व फेरीत अर्जेंटिनाच्या मारियानो नावोननं त्याला ६-४, ६-२ असं पराभूत केलं. त्याआधी पुरुष दुहेरीतही त्याला त्याचा पोलीश जोडीदार कॅरोल ड्रझेविकी यांना पराभव पत्करावा लागला. फ्रान्सच्या अलेक्झांडर म्युलर आणि लुका वॅन हॅशे या जोडीनं त्यांच्यावर ६-३, ६-४ अशी सरळ सेट्समधे मात केली.