पश्चिम आशियातल्या वाढत्या तणावामुळे आज भारतीय शेअर बाजारात घसरण दिसून आली. आयटी आणि ऑटो क्षेत्रात विक्री झाल्याचे थेट परिणाम निर्देशांकांवर झाले. अमेरिकेने इराणच्या आण्विक तळांवर केलेल्या हल्ल्यांनंतर ही घसरण झाली आहे. मुंबई शेअर बाजाराच्या सेन्सेक्समध्ये ६०० पेक्षा जास्त अंकांची घसरण झाली. तर राष्ट्रीय शेअर बाजाराच्या निफ्टीमध्ये १५०हून अधिक अंकांची घसरण झाली आहे.