देशातले शेअर बाजार आजही जोरदार तेजी नोंदवून बंद झाली. सेन्सेक्स १ हजार ५०९ अंकांनी वधारुन ७८ हजार ५५३ अंकांवर विसावला. निफ्टी ४१४ अंकांची वाढ नोंदवून २३ हजार ८५२ अंकांवर बंद झाला. बँक निफ्टीही सुमारे पावणे बाराशे अंकांची वाढ नोंदवून ५४ हजार २९० वर बंद झाला. हा निर्देशांक उच्चांकी पातळीच्या अगदी जवळ आहे. सुरुवातीच्या सत्रात घसरणीत असलेले हे निर्देशांक बँकिंग समभागातल्या तेजींच्या बळावर वधारले.