गुंतवणूकदारांना फसवून त्यांना अनधिकृत बँक खात्यात पैसे जमा करायला लावण्याचे प्रकार टाळण्यासाठी सेबीनं नवीन प्रणाली विकसित केली आहे. यानुसार अधिकृत बँक खात्याची ओळख दर्शवणारे UPI ID सुरू केले जाणार आहेत. शेअर दलालांच्या अधिकृत युपीआय आयडीमध्ये brk तर म्युच्युअल फंडांच्या अधिकृत युपीआय आयडीमध्ये mf असा उल्लेख असेल. याशिवाय वैध युपीआय आयडी दर्शवताना हिरव्या त्रिकोणात अंगठ्याचं चिन्ह दिसेल. यावरुन हा युपीआय आयडी अधिकृत आहे, हे ग्राहकांना लक्षात येईल. ऑक्टोबरपासून ही सुविधा सुरू होणार आहे.