रशियाच्या मालकीच्या मालमत्तेवर आणि ठेवींवर टाच आणून युक्रेनला निधी पुरवठा करण्याचा प्रयत्न करणाऱ्या प्रत्येक  युरोपियन देशाला सडेतोड उत्तर देण्याचा इशारा आज रशियानं दिला आहे. युरोपियन आयोग रशियाची मालमत्ता ताब्यात घेऊन युक्रेनला निधी पुरवठा करण्याच्या प्रयत्नात असून या पार्श्वभूमीवर रशियानं कारवाईचा इशारा दिला असल्याचं  सूत्रांनी म्हटलं आहे.   रशियाची ३०० बिलियन डॉलर इतक्या किमतीची मालमत्ता आणि ठेवी अमेरिकेच्या, इंग्लंडच्या तसाच युरोपिअन राष्ट्रांच्या ताब्यात आहेत. २०२२ मध्ये रशियानं युक्रेनवर हल्ला केल्यानंतर या देशांनी संबंधित मालमत्ता ताब्यात घेतली आहे.