विधानसभा निवडणुकीत माहीम आणि मानखुर्द-शिवाजीनगर या दोन मतदारसंघांमधल्या महायुतीच्या उमेदवारांना रिपब्लिकन पक्षाचा अधिकृत पाठिंबा असल्याची घोषणा केंद्रीय राज्यमंत्री रामदास आठवले यांनी आज केली. मुंबईत झालेल्या वार्ताहर परिषदेत ते बोलत होते. माहीम मतदारसंघातून शिवसेनेचे सदा सरवणकर आणि मानखुर्द-शिवाजीनगर मतदारसंघात शिवसेनेचेच सुरेश पाटील उमेदवार म्हणून निवडणूक लढवत आहेत.