ऊस तोडणी मशीनचा दर वाढवून मिळावा, बँकेच्या हप्त्यांना मुदतवाढ मिळावी या आणि इतर मागण्यांसाठी ऊस तोडणी मशिन मालकांनी आज पुण्यात साखर आयुक्तांच्या कार्यालयासमोर ठिय्या आंदोलन सुरू केलं. मागण्या पूर्ण न झाल्यास राज्यातले तेराशे मशिन मालक आपल्या मशिन घेऊन साखर संकुल आणि मंत्रालयाला घेराव घालतील असा इशारा आंदोलकांनी दिला आहे. गेल्या पाच वर्षांपासून मागणीसाठी पाठपुरावा करूनही शासन केवळ आश्वासनं देत असल्याचा आरोपही आंदोलकांनी केला आहे.