प्रधानमंत्री नरेंद्र मोदी आज घाना, त्रिनिदाद – टोबॅगो, अर्जेंटिना, ब्राझील, नामिबिया या ५ देशांच्या दौऱ्यावर रवाना झाले. ते प्रथम घाना इथं जाणार असून उभयपक्षी हिताच्या अनेक मुद्द्यांवर बैठकांबरोबरच ते तिथल्या संसदेलाही संबोधित करणार आहेत. घानामधल्या भारतीय समुदायात प्रधानमंत्री नरेंद्र मोदी यांच्या स्वागतासाठी उत्साहाचं वातावरण आहे. प्रधानमंत्री उद्या त्रिनिदाद टोबॅगो साठी रवाना होतील तिथे ते त्रिनिदादच्या राष्ट्रपती क्रिस्टिन कार्ला कांगालू आणि प्रधानमंत्री कमला प्रसाद बिसेसर यांची भेट घेतील. त्यानंतर प्रधानमंत्री अर्जेंटिनाला जाणार असून गेल्या ५७ वर्षांतला भारतीय प्रधानमंत्र्यांचा हा पहिला अर्जेंटीना दौरा आहे. त्यानंतर प्रधानमंत्री ब्राझील इथं येत्या ६ आणि ७ जुलैला रिओ दी जिनेरो इथं होणाऱ्या ब्रिक्स शिखर परिषदेला उपस्थित राहतील. गेल्या सहा दशकातला भारतीय प्रधानमंत्र्यांचा हा पहिलाच ब्राझील दौरा आहे. ब्राझीलचे अध्यक्ष लुईस इनासियो लुला दा सिल्वा यांच्याबरोबर ते चर्चा करतील.दौऱ्याच्या शेवटच्या टप्प्यात प्रधानमंत्री नामिबियाला भेट देणार आहेत. तिथे ते नामिबियाचे अध्यक्ष डॉक्टर नेतुम्बो नंदी नदैतवाह यांची भेट घेतील.
त्यानंतर प्रधानमंत्री अर्जेंटिनाला जाणार असून गेल्या ५७ वर्षांमधला भारतीय प्रधानमंत्र्यांचा हा पहिला दौरा आहे. अर्जेंटिनाचे अध्यक्ष झेवियर माईल यांच्याशी मोदी चर्चा करणार असून त्यात शेती, महत्त्वाची खनिजं, ऊर्जा, व्यापार, पर्यटन, तंत्रज्ञान आणि गुंतवणूक क्षेत्रांसह परस्पर सहकार्याचा समावेश आहे. या दौऱ्यात प्रधानमंत्री ब्राझील इथं जाणार असून ते येत्या ६ आणि ७ तारखेला रिओ दी जिनेरो इथं होणाऱ्या ब्रिक्स शिखर परिषदेला उपस्थित राहतील. शिखर परिषदेत ते अनेक जागतिक नेत्यांना भेटणार आहेत. गेल्या सहा दशकातला भारतीय प्रधानमंत्र्यांचा हा पहिलाच ब्राझील दौरा आहे. ब्राझीलचे अध्यक्ष लुईस इनासियो लुला दा सिल्वा यांच्याबरोबर ते चर्चा करणार आहेत. आपल्या दौऱ्याच्या शेवटच्या टप्प्यात प्रधानमंत्री नामिबियाला भेट देणार आहेत. तिथे ते नामिबियाचे अध्यक्ष डॉक्टर नेतुम्बो नंदी नदैतवाह यांची भेट घेतील.