राष्ट्रपती द्रौपदी मुर्मू यांनी उत्तराखंड विधानसभेच्या विशेष अधिवेशनाला आज संबोधित केलं. अनेक प्रयत्नांनंतर उत्तराखंडच्या मानवी विकास निर्देशांकात प्रगती झाल्याचं राष्ट्रपती यावेळी म्हणाल्या. राज्याचा साक्षरता दर वाढल्याबद्दल त्यांनी समाधान व्यक्त केलं. उत्तराखंडच्या पवित्र भूमीत आध्यात्म आणि शौर्याची सातत्यपूर्ण परंपरा आहे, असं राष्ट्रपती म्हणाल्या.