राष्ट्रपती द्रौपदी मुर्मू येत्या २९ तारखेचा मुंबई दौरा काही अपरिहार्य कारणामुळे पुढे ढकलला आहे. महाराष्ट्र विधानपरिषद शतक महोत्सवानिमित्त राष्ट्रपतींच्या हस्ते येत्या २९ तारखेला वरिष्ठ सभागृहाची आवश्यकता आणि महत्त्व या ग्रंथाचं प्रकाशन, तसंच महाराष्ट्र विधीमंडळातल्या सदस्यांना उत्कृष्ट संसदपटू आणि उत्कृष्ट भाषण पुरस्कार दिले जाणार होते. मात्र त्यांचा दौरा पुढे ढकलल्यामुळे हा कार्यक्रमही पुढे ढकलला असल्याचं महाराष्ट्र विधानमंडळ सचिवालयानं कळवलं आहे.