राष्ट्रपती द्रौपदी मुर्मू आज केरळमधे तिरुवनंतरपुरम इथं नौदलाच्या ऑपरेशनल डेमोमध्ये प्रमुख पाहुण्या म्हणून सहभागी होणार आहेत. तिरुवनंतरपुरम जवळच्या षण्मुगम समुद्रकिनाऱ्यावर भारतीय नौदल प्रात्यक्षिकं करणार आहे. राष्ट्रपती मुर्मू या आज दुपारी तिरुवनंतरपुरम आंतरराष्ट्रीय विमानतळावर पोहोचतील. तिथून त्या कार्यक्रमासाठी रवाना होतील. या डेमोमधे १९ युद्धनौका आणि ३२ विमानं असतील. या प्रात्यक्षिकांमधून भारतीय नौदलाचं सामर्थ्य अधोरेखित होणार आहे. या कार्यक्रमानंतर राष्ट्रपती लोक भवन इथं जातील आणि उद्या सकाळी दिल्लीसाठी रवाना होतील.