दक्षिण आफ्रिकेत जोहान्सबर्ग इथं सुरु असलेल्या जी ट्वेंटी नेत्यांच्या शिखर परिषदेचा आज समारोप झाला. या परिषदेत प्रधानमंत्री नरेंद्र मोदी ‘सर्वांसाठी समन्यायी भविष्य – अत्यावश्यक खनिजे, योग्य काम आणि कृत्रिम बुद्धिमत्ता’ या संकल्पनेवर आधारित शिखर परिषदेच्या तिसऱ्या सत्रात सहभागी झाले आणि या सत्राला संबोधित केलं. तंत्रज्ञान हे मानवकेंद्रित, जागतिक आणि मुक्त स्रोतावर आधारित असायला हवं असं प्रतिपादन प्रधानमंत्र्यांनी यावेळी केलं. तंत्रज्ञानाच्या प्रचाराच्या पद्धतीत बदल करण्याची गरजही त्यांनी अधोरेखित केली. शाश्वत विकास, विश्वासार्ह व्यापार, निष्पक्ष वित्तपुरवठा आणि सर्वांना समृद्ध करणारी प्रगती आवश्यक आहे, असं मोदी यावेळी म्हणाले.
आज शिखर परिषदेच्या पार्श्वभूमीवर, प्रधानमंत्री मोदी यांनी जपानचे प्रधानमंत्री सनाई टाका, कॅनडाचे प्रधानमंत्री मार्क कार्नी आणि इटलीच्या प्रधानमंत्री जॉर्जिया मेलोनी यांच्यासोबत द्विपक्षीय बैठका घेतली. आज संध्याकाळी ते मायदेशासाठी रवाना होतील.
