पंतप्रधान नरेन्द्र मोदी यांच्या हस्ते आज गुजरात मधल्या दाहोद इथं 24 हजार कोटी खर्चाच्या विविध विकास कामांच्या प्रकल्पांची पायाभरणी आणि उद्घाटन होणार आहे. गुजरातच्या 2 दिवसांच्या दौऱ्यात ते दाहोद लोकोमोटिव्ह उत्पादन संयंत्र देशाला समर्पित करणार आहेत. या संयंत्रामुळे पुढील 11 वर्षांत 1 हजार 200 मालगाड्यांच्या इंजिनांची निर्मिती होऊन रेल्वेच्या मालवहन क्षमतेत वाढ होणार आहे. यामुळे सरकारच्या मेक इन इंडिया उद्दिष्टासोबतच जगभरातल्या निर्यातीमुळे मेक फॉर वर्ल्ड उद्दिष्टाचीही पूर्तता होणार आहे.