प्रधानमंत्री नरेंद्र मोदी यांनी प्रादेशिक तसंच जागतिक घडामोडींबाबत काल जर्मनीचे नवनियुक्त चॅन्सलर फ्रेडरिक मर्झ यांच्याशी दूरध्वनीद्वारे चर्चा केली. जर्मनीसह भारत दहशतवादाविरुद्ध ठामपणे उभा राहील,  भारत-जर्मनी दरम्यानच्या रणनीतीविषयक भागीदारीत आणखी भर घालण्यासाठी भारत वचनबद्ध राहील, असं आश्वासन मोदी यांनी यावेळी  मर्झ यांना दिलं. प्रधानमंत्र्यांनी मर्झ यांना भारतभेटीवर येण्याचं निमंत्रणही दिलं आहे.