प्रधानमंत्री नरेंद्र मोदी आज केरळमधल्या थिरुवनंतपुरममध्ये विविध विकास प्रकल्पांची पायाभरणी आणि उद्घाटन करणार आहेत. यावेळी ते उपस्थित नागरिकांना संबोधित करतील. प्रधानमंत्र्यांच्या हस्ते तीन अमृत भारत एक्सप्रेस रेल्वे आणि एका प्रवासी रेल्वेचंही उद्घाटन होणार आहे. शहरी उपजीविका सुलभ होण्यासाठी प्रधानमंत्री आज पीएम स्वनिधी क्रेडिट कार्ड योजना सुरू करणार आहेत तसंच केरळ मधल्या रस्त्यावरील विक्रेत्यांसह, १ लाख लाभार्थ्यांसाठी पीएम स्वनिधि कर्जाचं वितरण करणार आहेत. त्यांच्या हस्ते तिरुवनंतपूरममधल्या नवोपक्रम, तंत्रज्ञान आणि उद्योजकता केंद्राची पायाभरणी होणार आहे.